POP 5

Lajmet më të lexuara të 5 minutave të fundit

Kronikë

Lajme nga emisionet

Ervis Martinaj nën sulm, vrasja e trefishtë në Fushë-Krujë nga e njëjta dorë me atë të Mihasit? Eksperti në Report Tv: Mekanizmi është identik

Mekanizmi i përdorur nga vrasësit e ekzekutimit të trefishtë dje në Fushë-Krujë është i njëjti me atë të përdorur në vrasjen e Erigers Mihasit 13 nëntorin e vitit të kaluar në zonën e Astirit në Tiranë. Dhe kjo sipas ekspertit kriminalistik Artan Rexhepi tregon se ka një mundësi të madhe që vrasjet të jenë kryer nga e njëjta dorë.

Mekanizmi i përdorur nga vrasësit e ekzekutimit të trefishtë dje në Fushë-Krujë është i njëjti me atë të përdorur në vrasjen e Erigers Mihasit 13 nëntorin e vitit të kaluar në zonën e Astirit në Tiranë. Dhe kjo sipas ekspertit kriminalistik Artan Rexhepi tregon se ka një mundësi të madhe që vrasjet të jenë kryer nga e njëjta dorë.

I ftuar në ‘Sot live në Shqipëri’ të gazetarit Andi Kapxhiu, Rexhepi tha se krahët e një grupi kriminal po eliminohen, duke nënkuptuar se Ervis Martinaj është nën sulm!

“Mekanizmi i realizimit të këtij atentati është shumë i ngjashëm me mekanizmin e eliminimit të Erigers Mihasit në zonën e Astirit para pak kohësh. Është i njëjti mekanizëm, disa gryka zjarri që gjuajnë njëherësh në lëvizje. Një lloj atentati i tillë kërkon shumë profesionalizëm.  Mua më vjen të mendoj se si mekanizëm mund të jetë e njëjta dorë. Flasim për njerëz profesionistë.  Fakti i gjetjes së gëzhojave nga gazetarët nuk më duket fare normale. Duhen marrë të gjitha. Njëri prej tyre mund të ketë gjurmën e gishtërinjve kur është mbushur.  Duhet të ishin përdorur dronët. Droni kërkon një profesionist. Policia nuk ka dinamikën e duhur, nuk e ndjek dot krimin. Nuk dua të bëhem gazetar investigativ. Kuptohet se një klani po i dëmtohen krahët, po i goditen mburojat. Shteti nuk mund të bëjë spektatorin këtu. Më shumë se të merret me xhamat e errëta, të merret me botën e krimit”, tha ndër të tjera Rexhepi.

Kujtojmë se në korrik të vitit 2021, teksa përfundoi hetimet për vrasjen e Santiago Malkos, SPAK nënvizonte se plani ishte ekzekutimi edhe i Ervis Martinajt por s'kanë mundur ta gjejnë atë edhe pse kishin informacion se kishte udhëtuar në Spanjë apo Turqi. Sipas SPAK rivaliteti në biznesin e paligjshëm të llotove sportive ishte shkaku i vrasjes së ish policit Santiago Malko nga anëtarët e klanit 'Duka' gushtin e vitit 2019.

Por edhe pse dështuan të eliminonin armikun e tyre kryesor, duket se rivalët e Ervis Martinajt po ia eliminojnë miqtë e tij një nga një. Dje u vra Brilant Martinaj, kushëriri i Ervis Martinajt, i njohur më parë për precedentët penalë. Ai dyshohet se ka qenë autor i vrasjes së efektivit Xhuliano Prela më 5 dhjetor 2020 dhe ish-policit Xhelal Reçi më 1 nëntor 2021. Por Martinajt i janë eliminuar edhe shumë miq të tjerë si Erigers Mihasi. 

Erigers Mihasi

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kush s degjon ekspertin: 18/07/2022 15:51

    gjera me vlere tha eksperti, krimi eshte pa ngjyre e duhet partite te gjejn konsensus ne trajtimin e tij dhe qe ndaj krahut qe po fiton duket shteti e ka mbyll nje sy e i ka len dore te lire. Apo kto dy grupe jan mbi shtet e kte 23 vjecarin qe shkoj s e kapte kush dhe pse kishte vrare dy police.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57