Fier- Kishte thyer masën e sigurisë me arrest shtëpiak, kapet teksa qarkullonte në rrugë adoleshentja e akuzuar për prostitucion.
Komisariati i Policisë Fier njoftoi sot (27 Gusht) se arrestoi 19-vjeçaren me inicialet A. D., banuese në këtë qytet, duke ia rënduar edhe pozitën juridike.
“E dyshuara u kap në lëvizje, në cenim të masës së sigurisë "arrest në shtëpi" të dhënë nga Gjykata dhe e caktuar për krime në fushën e prostitucionit”, thuhet në njoftimin zyrtar, por pa detajuar dinamikën e ngjarjes.
![]()
Pritet që gjykata të vlerësojë përveç veprës penale të shkeljes së masës, edhe rëndimin e pozitës juridike, me rikthim të mundshëm në qeli të të dyshuarës.
Po kështu, Stacioni i Policisë Roskovec shpalli në kërkim të riun me inicialet M. R., 19 vjeç, banues në fshatin Marinëz, pasi dyshohet se ka dëmtuar në dorë, me mjet prerës (thikë), motrën e tij 16 vjeçe.
Ngjarja ka ndodhur pas një konflikti në familje, por policia u tregua e rezervuar për detajet e agresionit dhe shkaqet. Ndaj të dyshuarit në kërkim u ngrit akuza e “plagosjes me dashje” dhe “dhunës në familje”.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)