POP 5

Lajmet më të lexuara të 5 minutave të fundit

Sport

Fitoi finalen me 1 pikë, Trepça kampione në Vlorë për herë të parë në Ligën Unike! Humor gjatë festës, dëmtohet trofeu

Trepça e Mitrovicës mposhti skuadrën e Yllit në Vlorë për të fituar trofeun e parë në histori të Ligës Unike në Basketboll. Trajneri i tyre u shpreh shumë i lumtur që ia dolën të fitojnë në një qytet me lidhje historike me Mitrovicën

Në një atmosferë tepër të zjarrtë dhe të denjë për një finale, Trepça e Mitrovicës fitoi Ligën Unike në Vlorë përballë Yllit të Suharekës.

Në pallatin e sportit të Vlorës, ku shumë tifozë shqiptarë nga Kosova kishin udhëtuar për të ndjekur skuadrat e tyre, Trepça fitoi me rezultatin e ngushtë 67-66.

“Ishte ndeshja shumë e fortë dhe e përgëzoj Yllin për këtë. Ishte shumë burrërore si lojë dhe finalet janë gjithmonë të vështira,”-u shpreh Drilon Hajrizi, basketbollist i Trepçës.

“Është kupa e tretë me rradhë që kemi fituar, por vlera e kësaj kupe është e shumëfishtë. Ne jemi të Mitrovicës dhe lidhja me Vlorën është që prej Isa Boletinit dhe Ismail Qemalin. Për këtë arsye kjo kupë e shton vlerën edhe më shumë në një kohë që kur kjo ligë është bërë për bashkimin e trojeve shqiptare,”-tha Izet Tahiri, trajner i Trepçës.

Momenti i ngritjes së trofeut shkaktoi edhe pak ilaritet në pallatin e sportit, pasi trofeu në duart e kapitenit të Trepçës u shpërbë. Megjithatë kjo nuk e pengoi skuadrën nga Mitrovica të festonte gjatë. Liga Unike është një kompeticion me 8 skuadra, 4 nga Shqipëria dhe 4 nga Kosova, ndërsa përveç rritjes së cilësisë si qëllim ka edhe bashkimin përmes sportit të dy vendeve shqipfolëse.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Berat: 02/04/2024 03:12

    Mitrobica eshte zemra e gjithe shqiptaris histora e Mitrovices don vemendje

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça