Gafa tjetër e djalit të Fahriut
sulmon PD-në e Pogradecit

Klevis Balliu, djali i Fahriut është duke u shndërruar në një personazh më vete, me bëmat e tij gjatë kësaj fushate.

Për nga gafat e lëshuara çdo ditë, janë jo të paktë ata që e krahasojnë me Eduart Ndocajn, madje thonën nën zë se nuk mund të mbetej Kuvendi kurrsesi pa një injorant të nivelit të parë. 

Ditën e premte ai premtoi se në rast se do të fitonte PD, në datën 26, “Pogradeci do të kishte një diell demokratik”, ndërsa në rrjetet sociale plasën menjëherë ironitë dhe talljet, duke hequr paralele me premtimin e Ferdinand Xhaferajt në vitin 2011 në Durrës gjatë garës për bashkinë, kur deklaroi se do përmirësonte cilësinë e diellit. 

Një ditë më pas, ai denoncoi në gazetën e babait se “Partia Socialiste do të thajë liqenin e Ohrit në rast fitoreje”.

"Paraardhësi im la qytetin jetim"
Së fundmi, në një postim të ri në “Facebook”, Balliu sulmon pa dashje vetë Partinë Demokratike në këtë qytet, duke thënë se “paraardhësi im e ka lënë këtë qytet jetim”.

Por, kush është ky paraadhës? Klevisi nuk ka mbajtur kurrë një detyrë publike, përveç asaj të këshilltarit të Nishanit. Paraardhës i tij, në cilësinë e deputetit të PD-së është vetëm një tjetër deputet i kësaj force. 

Deputetë të PD në qarkun e Korçës në 2013-ën u zgjodhën Edmond Spaho, Eleina Qirici, Fatmir Mediu dhe Gjergji Papa. Ky i fundit përfaqësoi edhe Pogradecin në Kuvend, pra indirekt Balliu ka sulmuar sa hap e mbyll sytë një deputet të PD-së në mbarim të mandatit. 
 
Papa nuk u përfshi nga Basha në këto zgjedhje, duke preferuar Klevis Balliun në vend të tij. 

Do të ishte mirë që përpara se të konkurronte për të përfaqësuar popullin e Pogradecit, i biri i Fahriut të mësonte të shkruante dhe lexonte ashtu siç duhej, por fatkeqësisht, tashmë kjo është tepër vonë./Tema

Redaksia Online
Shqiptarja.com

/Shqiptarja.com

TAG:
• gafa