POP 5

Lajmet më të lexuara të 5 minutave të fundit

Kronikë

Gjendet i vdekur në banesë vëllai i 'Gjeneralit', vrasësit të Naim Zyberit! Mister shkaqet

Uliks Gjinarari, vëllai i Gert Gjinararit, që është autori i vrasjes së Naim Zyberit është gjetur i pajetë mesditën e sotme në banesën e tij në fshatin Lukovë të Sarandës. Shkaqet janë ende mister, ndërsa paraprakisht sipas burimeve nga policia, Uliks Gjinararit nuk i janë gjetur shenja dhune në trup. 

Gjendet i vdekur në banesë vëllai i 'Gjeneralit', vrasësit të Naim Zyberit! Mister shkaqet

Uliks Gjinarari

SARANDE-Gjendet i vdekur në banesë vëllai i vrasësit të Naim Zyberit. Uliks Gjinarari është gjetur i pajetë nga djali i tij mesditën e sotme rreth orës 14:00 në banesë në fshatin Lukovë. Rrethanat dhe shkaqet janë ende mister, ndërsa burime për gazetarin e Report Tv, Arsen Rusta pohojnë se 40-vjeçarit nuk i janë gjetur shenja dhune në trup. Gjinarari ishte djali i kampionit të mundjes Stefan Gjinarari.

Në mes të korrikut të këtij viti u lirua nga qelia vëllai i tij, Gert Gjinarari, i dënuari me burgim të përjetshëm për vrasjen e të konsideruarit i forti i Tiranës, Naim Zyberit, në vitin 1997 në Itali. Gjinarari përfitoi lirim me kusht. Në vendim argumentohej se kishte 'Sjellje shembullore në burg. Marrëdhënie të rregulluara me trashëgimtarët e viktimës'. Vendimi u apelua, ndërsa u pezullua drejtori i burgut të Drenovës dhe u kërkua hetim i gjyqtarit që e liroi nga qelia.

Por kush ishte Naim Zyberi u vra nga Gerd Gjenerali? Në fillim të viteve ’90, Naim Zyberi njihej si një nga të fortët e kryeqytetit, rival i fortë i një tjetër emri të njohur në Tiranë gjatë atyre viteve, Gaz Muça. Zyberi u ekzekutua më 6 gusht të vitit 1997 nga tre persona, dy prej të cilëve Arben Grori dhe Gerd Gjenerali.

Uliks Gjinarari

Naim Zyberi në vitet e para të ’90-s kishte arritur të mblidhte rreth vetes një grup djemsh, të cilët, sipas mënyrës që kishin vetëpërcaktuar, bënin ligjin në lagjet e kryeqytetit. Ai u cilësua si një nga atentatorët e Gaz Muçës, ngjarje për të cilën edhe u arrestua bashkë me Franc Konomin, i cili nuk u mor vesh asnjëherë se si arriti jo vetëm të dilte nga burgu, por edhe t’i shpëtonte deri në vitin 2010 hakmarrjes së djemve të Rrugës Bardhyl. Pas hapjes së burgjeve në ’97-n, edhe Naim Zyberi si shumë të tjerë arritën të largoheshin nga qelitë duke rifituar lirinë.

Por Zyberi nuk do t’i shpëtonte dot hakmarrjes për vrasjet e Artur Grorit dhe të Gaz Muçës. Ai u ndoq deri në Itali nga vëllai i Grorit, Arbeni dhe atentati i parë iu bë në një bar në Torino, vend ku Naim Zyberi mbeti i plagosur rëndë dhe për këtë arsye, iu desh të qëndronte i shtruar në spital për disa kohë.

Gert Gjinarari (FOTO E VITEVE TE FUNDIT)

Madje, për mjekim më të specializuar u dërgua në spitalin e Milanos. Fakti që Zyberi mbeti gjallë nuk bëri që autorët të dorëzohen. Më datë 6 gusht, Gerd Gjinarari, që mbante një tufe me lule në dorë, brenda të cilës kishte fshehur pistoletën dhe Arben Grori, bashkë me një person tjetër, futen në dhomën e spitalit ku ndodhej Zyberi dhe e qëllojnë aty për vdekje. Por shumë shpejt arrestohen nga policia italiane.

Lajmi në përditësim....

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vjeshta: 03/09/2019 10:44

    Si thohet, nji ma pak! Urime!

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56