Në diskursin publik të E. Hoxhës dhe regjimit komunist nuk ka ndodhur asnjëherë që të vlerësohet diçka nga periudha e Zogut. Përkundrazi, arritjet e shtetit komunist krahasoheshin gjithmonë me statistikat dhe situatën ekonomike të monarkisë. Ky nihilizëm u pasqyrua jo vetëm në studimet historiografike, por edhe në ato ekonomike, juridike, letrare dhe shkencore. Por a ka pasur në të vërtetë ndonjë vlerësim E. Hoxha për periudhën e Zogut? Sigurisht që po!
Në vitet e para të instalimit të regjimit komunist ai dhe i gjithë estabilishmenti, i cili ishte produkt i institucioneve arsimore të kësaj periudhe, u detyrua të përdorte ish-nënpunës të administratës zogiste. Kjo zgjati derisa u kthye brezi i parë i të arsimuarve nga Bashkimi Sovjetik dhe vendet e Kampit Socialist. Një rast interesant kur E. Hoxha vlerëson një punë që ishte bërë në kohën e Zogut ka të bëjë me një shënim në ditarin e tij sekret në shkurt të 1979. Në fakt kjo është një përqasje mbi një ese që shkrimtari I. Kadare kishte botuar në atë periudhë për ciklin e kreshnikëve, ku ndër të tjera diktatori shkruan: “Neve nuk na duhen parrulla, slogane, ose mbledhje pa bukë në të tilla institucione si ky i folklorit, por dëshirojmë që studiuesit të hyjnë thellë në vëllimet ekzistuese të “Thesareve të Kombit”. Këto vëllime, sipas mendimit tim, kanë një rëndësi të jashtëzakonshme.
Vërtet janë shkruar në kohën e Zogut, por kanë një vlerë të madhe dhe po u fute brenda, humbet në to dhe nuk del dot, po të mos dish të orientohesh, po të mos u futesh në esencë problemeve, por t’i shikosh këto vetëm në sipërfaqe. Kjo ndodh për arsye se ky thesar është i ngatërruar, ai është marrë e hedhur pa kujdes në ato kohë, pa u bërë më parë një klasifikim shkencor i tij, gjë që duhet bërë”. Me “Thesare të Kombit” E. Hoxha ka parasysh titullin e përbashkët të një cikli botimesh në 15 vëllime me lëndë nga tradita folklorike, etnografike e gjuhësore shqiptare që u shtypën në vitet 1937-1944.
Në fakt ato quheshin “Visaret e Kombit” dhe filluan të botoheshin me rastin e “25 vjetorit të vet-qeverimit” nga Ministria e Arsimit në vitin 1937. Madje, vëllimi II i cili përmbante këngë kreshnikësh dhe legjenda ishte mbledhur e përgatitur për botim nga dy klerikë katolikë At Bernardin Palaj dhe At Donat Kurti, i pari vdiq në burg duke pritur të dilte në gjyq në vitin 1946, ndërsa i dyti në internim në vitin 1983.
Lajme të tjera
-
Dëshmia e rrallë në hetuesi e nuses së djalit të Mehmet Shehut, pas vetëvrasjes së tij: Kur arritëm në katin e dytë vumë re...
23 Dhjetor, 21:33
-
Ilir Yzeiri: Topikat e trishta të hapësirës publike
20 Dhjetor, 13:28
-
Esencë në REPORT TV, 42 kryetarët e Bashkisë së Tiranës, zgjedhjet, akuzat dhe historitë e tyre tragjikomike!
15 Dhjetor, 22:32
-
Sigurimi i Shtetit, si i përgjonte dhe ruante shkencëtarët shqiptarë? Esencë-Report Tv
13 Dhjetor, 22:37
-
Zbulohet dokumenti sekret i Sigurimit, Tetor ‘82 mbi Kanalin e Suezit: Komandanti ka urdhëruar përgjimin e Ambasadës së Egjiptit!
10 Dhjetor, 18:35
-
'Enverit, po deshe çoji një divizion në Pogradec, mua këtu m’i zhduk rojet', çfarë ndodhte në zonën e ish-Bllokut në Durrës dhe kërcënimi i Mehmetit për Gardën
7 Dhjetor, 08:52
-
Spartak Ngjela: Skizoidi Berisha, në gjurmët e Enver Hoxhës
6 Dhjetor, 21:42
-
‘Kur Profesor Jup Kastrati i kujtonte At Justin Rrotës, fjalët që Maksim Gorki i drejtonte Kalluzhnij-t, ai i thoshte…’/ Refleksionet e shkrimtarit të njohur
5 Dhjetor, 07:41
-
Ilir Yzeiri: Lufta, të rënët, nazifashistët, partizanët, komunistët dhe shqiptarët
3 Dhjetor, 09:43
-
Zhaku rrëfehet në Esencë-Report Tv: Si hynim ‘fshehurazi’ në Bllok, ushtarët na jepnin…
1 Dhjetor, 21:41 -
'Të rënët e Luftës II Botërore pa dallim kombësie, feje, krahine, ideje'! Rama: Unë dhe qeveria nuk kemi interes të ndërhyjmë në punët e historianëve
29 Nëntor, 13:56 -
Eduard Zaloshnja: Vetëm 40% e pasardhësve të familjeve të persekutuara gjatë regjimit komunist votojnë për PD-në…
28 Nëntor, 14:37
