I dënuar për mashtrim kompjuterik, arrestohet 56-vjeçari

Një 56-vjeçar është arrestuar nga policia pasi ishte në kërkim si i dënuar nga gjykata për ‘mashtrim kompjuterik’.

Policia ka vënë në pranga Xh.K, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë e ka dënuar me 2 vjet, 4 muaj e 12 ditë burgim, për veprën penale "Mashtrimi kompjuterik".  

‘Shërbimet e Komisariatit të Policisë Nr. 3, në zbatim të masave të hartuara në kuadër të megaoperacionit policor të koduar "Sundimi i ligjit", bazuar në informacionet e siguruara për vendndodhjen e një shtetasi në kërkim, kanë intensifikuar kontrollet për kapjen dhe vënien e tij përpara përgjegjësisë ligjore. 

LEXO EDHE:
Formacionet/ Kërkohet bileta e dytë për finalen e sezonit, titullarët e Egnatia - Vllaznia! Shkodranëve u duhet fitorja

Si rezultat i kontrolleve të ushtruara, në Kombinat, u kap shtetasi Xh. K., 56 vjeç, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë e ka dënuar me 2 vjet, 4 muaj e 12 ditë burgim, për veprën penale "Mashtrimi kompjuterik". Materialet i kaluan Prokurorisë, për veprime të mëtejshme.’- njofton policia.

M.Q./Shqiptarja.com

TAG:
• Tirane
• policia e tiranes