Në kuadër të çështjes gjyqësore për të cilën deputeti Tom Doshi, ish-deputeti Mark Frroku dhe Durim Bami po gjykohen për dëshmi të rremë, sot është shtyrë seanca e parë ndaj tyre.

Çështja në fjalë ka të bëjë me pretendimet e Tom Doshit se Ilir Meta kishte paguar njerëz që ta vrisnin.

Sipas Doshit, Meta kishte pajtuar Durim Bamin që të vriste atë dhe ish-deputetin demokrat Mhill Fufi.

Doshi dhe Bami po gjykohen për dëshmi të rreme, por ata nuk janë paraqitur në seancën e sotme gjyqësore ndaj tyre.

Prokurorja e çështjes ka kërkuar shoqërimin e detyrueshëm për Doshin dhe Bamin.

Por gjykata e ka rrëzuar një kërkesë të tillë.

Avokati mbrojtës do të kërkojë gjykim të shkurtuar dhe seanca e radhës do të mbahet më 5 qershor.

I pyetur nga gazetarët sot jashtë parlamentit, pas punimeve të Kuvendit, lidhur me paraqitjen e tij në gjykatë, Doshi u shpreh:

“Janë mbyllur hetimet, nuk keni informacionin e duhur, kjo është e keqja”.

TAG:
• tom doshi
• durim bami