Ilir Yzeiri: Të jesh në opozitë nuk do të thotë se nuk je më hajdut, minues i demokracisë, i korruptuar familjarisht, shantazhues i drejtësisë dhe 'non grata' për SHBA-të

Ilir Yzeiri: Të jesh në opozitë nuk do të thotë se nuk je më hajdut, minues i demokracisë, i korruptuar familjarisht, shantazhues i drejtësisë dhe 'non grata' për SHBA-të

Ish-kryeministri Sali Berisha

Protesta e 7 korrikut po paraqitet nga idhtarët e Sali Berishës që kanë uzurpuar PD-në, deri në një vendim përfundimtar të gjykatës se cilat ndryshime statutuore do të regjistrojë, si një kauzë e opozitës.

Prej shumë kohësh e dëgjoj këtë klithmë gati ankuese se opozita nuk paragjykohet, se në opozitë të gjithë kanë të drejtë, opozita vetë si institucion është shpresa, është e vërteta e marrëzi të tilla.

Të gjithë ata që ndjekin Sali Berishën, në fakt, nuk janë opozita e këtij vendi, ata janë kundërshtarët dhe armiqtë e deklaruar të Edi Ramës dhe ka kohë që e kanë shpallur veten si një sekt që kanë vendosur të sakrifikojnë identitetin e tyre për t’u vënë në shërbim të mjerimit ekzistencial të Sali Berishës. Ky i fundit, pasi u shpall non grata familjarisht nga SHBA-të, rrëmbeu kauzën e opozitës duke sulmuar me qysqi e hekur, me dinamit e zjarr godinën e PD-së dhe u vu në krye të një pjesë të PD-së për t’u treguar SHBA-ve se ai nuk është një kufomë e pakallur politike, por një zjarrvënës që pretendon se ka mbështetës nga ata që thirren « talebanë » të demokracisë dhe fanatikë të tij.

Protgonizmi i tij në këtë vapë të pazakontë është qesharak dhe i pashpresë. Kjo është e njëmijta provë e dëshpëruar për t’u faktorizuar politikisht që ka dështuar edhe atëhere kur opozita ishte e bashkuar e plotë dhe në të drejtën e saj.

Ajo që të bën përshtypje këtë radhë është edhe narrativa e disa personazheve që vijnë nga zonat e errëta të frustrimit që u ka bërë Edi Rama dhe i janë ngjeshur në sqetullën me djersë Sali Berishës për ta bërë më të dukshëm kaosin mental dhe emocional në të cilin ndodhen.

E gjithë kjo protestë të kujton lëvizjet radikale islamike në Iran apo Afganistan, ato lëvizje që kanë shkatërruar sistemet e brishta laike në ato vende. Të kujton thirrjet e tyre të dëshpëruara që kërkojnë gjak dhe dhunë. Revolucionin islamik të Iranit e pat mbështetur dhe babai shpirtëror i Sali Berishës, Enver Hoxha.

Mirëpo, siç thonë të vjetrit, nuk mund të kalohet dy herë në të njëjtin ujë, sepse ai rrjedh.

Drama e madhe në këtë kohë nuk është ajo që do të ndodhë nesër. Ajo do të jetë një karikaturë e atyre protestave të lodhshme që kemi parë në gjithë këta vjet. Drama e madhe është dëshpërimi që të mbërthen kur sheh se opozita reale në këtë vend ka mbaruar, se sot është vështirë edhe të mendosh që mund të lindë një forcë opozitare e vërtetë që të përfaqësojë anën tjetër të qeverisjes.

Nesër Sali Berisha del në shesh që t’i zgjasë jetën politike Edi Ramës.

Fat të madh politik paska pasur Edi Rama !!!

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • drini: 06/07/2022 15:25

    E vertete drama e madh ne kete vend eshte mungesa e opozites se vertet.Por nga ana tjeter see mos pozita eshte e vertet, eshte nje pozite e mbytur ne korrupsion. Me duket se ne shqiptaret nuk po e ndajme dot te keqen nga e mira ne cdo nivel shoqeror. Qe nga nxeenesit ne shkolle qe u themi vidhni kopjoni ne provmet e lirimit apo matures e deri tek e deri tek te moshuarit.Kapitalizmi e nisi keq ne Shqiperi- e nisi me ligjin 7500 qe ishte ne thelb rrembim prone. E nisi si si socializem rrugen e tij kapitalizmi shqiptar

    Përgjigju
  • Sondazhi i ditës:

    Rikthimi i PD-së me protesta në shtator, a do ta forcojë politikisht?



×

Lajmi i fundit

Personi që sulmoi shkrimtatin Salman Rushdie akuzohet për tentativë për vrasje

Personi që sulmoi shkrimtatin Salman Rushdie akuzohet për tentativë për vrasje