Itali/Shkon për gjykim dosja
Habilaj, ja rrethanat rënduese

Prokuroria e Katanias, në kuadër të çështjes së organizimit të trafikut të sasive të mëdha të marijuanës nga Shqipëria drejt Siçilisë në vitet 2013-2017, ka mbyllur hetimet për kreun e grupit organizator të këtij trafiku, shtetasin shqiptar me origjinë nga Babica e Vlorës, Moisi Habilaj (kushëri i ish-ministrit të Brendshëm Saimir Tahiri) si dhe për ndihmësit e tij në këtë organizatë kriminale, si nga pala shqiptare ashtu edhe nga ajo italiane.

Në dokumentin, përmes të cilit Prokuroria i njofton të pandehurit për përfundimin e hetimit ndaj tyre, del se veç Habilajt, i cili ndodhet i burgosur në Katania, bashkë me një pjesë të mirë të grupit, kanë përfunduar hetimet gjithashtu edhe për bashkëkryetarin italian të organizatës Antonino Riela.

Anëtarët e tjerë të grupit për të cilët ka përfunduar hetimi janë:

1. Angelo Busacca

2. Fatmir Minaj

3. Gianluca Passavanti

4. Vincenzo Spampinato

5. Meridian Sulaj

6. Fabio Spampinato

7. Carmelo Sandro Bertolini

8. Enrico Maria Giaquinta

9. Ëilliam Patane’

10. Massimilano Maria Brunda

11. Rosario Giuliano

12. Antonio Greco

13. Giuseppe Greco

Prokuroria e Katanias, në dokumentin në fjalë, bën të ditur ndër të tjera, se sakaq, të pandehurit Nezar Seiti, Armando Sulaj, Sabaudin Çelaj dhe Florian Habilaj, po hetohen veçmas.

Seiti u ekstradua vetëm pak ditë më parë nga Shqipëria dhert Italisë për këtë qëllim.

Ai akuzohet se ka asistuar organizatën në veprimtarinë e saj të paligjshme.

Mbi organizatën kriminale në fjalë, sipas Prokurorisë së Katanias, ekzistojnë edhe rrethanat rëndëuse që në të bënin pjesë mbi 10 anëtarë dhe se ky grup ishte i armatosur.

(Dokumentet e Prokurorisë së Katanias mbi përfundimin e hetimeve të presonave të dyshuar)

s.k/Shqiptarja.com  

TAG:
• moisi habilaj