POP 5

Lajmet më të lexuara të 5 minutave të fundit

Kronikë

OFL i kërkon llogari për pasurinë mikut të Shullazit, të 'Fortit të Rrugës së Kavajës' dhe ish-kampionit të boksit të Vllaznisë

Nga bandat e vitit 1997 deri tek grupet kriminale të viteve të fundit janë subjektet ku Operacioni Forca e Ligjit ka dërguar katër kërkesa për justifikim pasurie, mes tyre Genc Ferhatit, të fortit të Rrugës së Kavajës dhe Endrit Zelës, njohur si miku i Emiljano Shullazit.

Katër persona të inkriminuar do të duhet të deklarojnë pasurinë. Operacioni Forca e Ligjit i ka dërguar formularin e vetëdeklarimit, Endrit Zelës, Genc Ferhatit, Igli Memajt dhe Nelson Hysës.

Endrit Zela është miku i Emiljano Shullazit dhe pjesë e bandës së tij. Ai është dënuar me 10 vite për veprën penale "Shtrëngim me anë të kanosjes për dhënie pasurie" e kryer në bashkëpunim.

Genc Ferhati, i njohur ndryshe si i "Forti i Rrugës së Kavajës" është i dënuar për veprën penale "Shtrëngim me anë të kanosjes për dhënie pasurie". Ferhati është një nga personat më të njohur për policinë që e kishte të skeduar si pjesë të botës së krimit në vitet 1997-2000. Në vitin 1999 ai i bëri atentat mafioz me anti tank Denis Gines dhe Medjan Shehut. Në 2017 është dënuar për gjobëvënie.

Igli Memaj, banues në Vlorë, për të cilin Gjykata e Rrethit Gjyqësor Vlorë ka caktuar masën e sigurisë "Arrest në burg", për veprën penale "Vrasja në rrethana cilësuese". Memaj i ekstraduar nga Italia dhe i njohur me nofkën 'Sulioti' akuzohet për atentatin e Inez Hajrullës. Vetë Memaj nuk e ka pranuar krimin duke thënë para gjykatësit se nuk e njihte Hajrullën dhe se emrin e tij e kishte dëgjuar vetëm në televizor.

Nelson Hysa, banues në Shkodër, për të cilin ish-Gjykata e Shkallës së Parë për Krimet e Rënda ka caktuar masën e sigurisë “Arrest në burg”, për veprat penale “Shtrëngim me anë të kanosjes për dhënien e pasurisë”, e kryer në bashkëpunim, në kuadër të grupit të strukturuar kriminal dhe “Kryerja e veprave penale nga organizata kriminale apo grupi i strukturuar kriminal”. 35-vjeçari Nelson Hysa ish-kampion boksi me Vllazninë u akuzua për përfshirje në grupin kriminal të Bajrajve. Ai është liruar nga qelia në gusht të 2019.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Armando ujk dukati: 11/06/2020 10:51

    Igli suloiot cami do beje killerin hajde po te presim jasht na jep ca informacione u vete ti spiuni i camve te dukej vetje intransat ty ore kokre bizesles

    Përgjigju
  • Tasa: 10/06/2020 16:01

    Mjaft se na hapet barkun

    Përgjigju
  • Avokat: 10/06/2020 11:37

    Neloja nuk eshte subject I ketij ligji

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

26 Prill, 22:49