Karantinë në spitalin e Kavajës? Manastirliu i përgjigjet PD-së: Ngjarja po përdoret politikisht, është e ulët të shfrytëzohet për të marrë vëmendje (VIDEO)

Deklaratën e Partisë Demokratike se qeveria ka ngritur një karantinë në spitalin e Kavajës, ministrja e Shëndetësisë Ogerta Manastirliu e ka quajtur të ulët dhe politike. Ajo tha kjo situtatë duhet trajtuar me racionalitet nuk mund të përdoret politiksht.

"Duhet që të jemi shumë serioz në trajtimin e kësaj situate dhe kjo ngjarje nuk duhet trajtuar me mendjelehtësi dhe nuk mund të përdoret politikisht. Duhet unitet kombëtar dhe jo përdorimi politik. Ftoj këdo që ka një shqetësim ta ngrenë në institucione. Nuk duhet të përhapin panik sepse panik dëmton më shumë se vetë virusi. Vendimet tona bazohen në ekspertizën ndërkombëtare. Ato konsultohen me ekspertët më të mirë. Është e ulët të shfrytëzohet për një gjë të tillë një hapësirë në media dhe ju marrin kohë për një lajm që nuk ka asnjë dashamirësi ndaj publikut. Jo të gjithë qytetarët kuptojnë se çfarë është karantina. Në karantinë nuk shkojnë njerëzit e sëmurë. Të gjithë ata që e përdorin duan ta politizojnë këtë ngjarje. Duhet të jemi të gjithë së bashku për ta udhëhequr këtë situatë që qytetarët të dalin të pacenuar. Këto ngjarje duhet të trajtohen me racionalitet dhe jo me ngjyrime politike dhe as me thirrje publike. Përdorimi politik i kësaj ngjarje është turpi i atyre që duan të fitojnë kredo politike", tha Manastirliu.

Lajmi kryesor:

Rasti i dyshuar rezultoi negativ, Manastirliu: Asnjë i infektuar me koronavirus në Shqipëri! Jo koha për mbyllje të shkollave e kufijve me Italinë (VIDEO)

/b.ha./Shqiptarja.com

TAG:
• ogerta manastirliu
• Koronavirus
• task forca per koronavirusin
• albana fico