Kardiokirurgu Albi Fagu: Ndërhyrjet në zemër në vitet e ardhshme do të jenë shumë të avancuara

I ftuar në emisionin “Klinika 24” në Report TV, me moderatore Doreada Mio, ishte Dr.Shk Albi Fagu, kardiokirurg.

‘Njerëzit kanë nevojë për informacion për sëmundjet e ndryshme, apo për terapitë alternative’ e nisi kështu bisedën në studio mjeku.

Ai foli për një ndërhyrje kirurgjikale shumë unike të bërë së fundmi në vendin tonë, që konsiston në uljen e invazivitetit të ndërhyrjeve klasike, të bypass koronar.

‘Hapja e kraharorit mbart në një përqindje të caktuar komplikacione si: joqëndrushmëria e kockës, apo infeksione post operacionit dhe qëllimi është reduktimi i këtyre komplikacioneve’ u shpreh mjeku, duke shtuar se qëllimi përfundimtar është që të arrihet në një nivel trauma dhe komplikacioni sa më të ulët.

Gjatë ndërhyrjes, përdoret një aparaturë që imiton rolin e zemrës, gjë që u lejon mjekët të punojnë për të bërë ndërhyrjen.

‘Këto lloj ndërhyrjes zgjasin me orë të tëra dhe janë shumë komplekse’ shtoi doktori në studio, nënvizuar se në 5-10 vitet e ardhshme, kjo teknikë do të avancojë shumë dhe do të bëhet më e sigurt.

M.Q./Shqiptarja.com

TAG:
• Doreada Mio
• albi fagu
• Klinika 24