Drejtori i Policisë së Shtetit ka urdhëruar pezullimin nga detyra të punonjësit të policisë Lek Marku, i cili dyshohet shkelje të detyrës.
 
Urdhri ka ardhur menjëherë pas trasmetimit të emisionit "Fiks Fare", në të cilin shfaqej një punonjës i policisë i cili ishte duke marrë rryshfet për të siguruar një vërtetim azili.
 
Burime nga Policia e Shtetit, bëjnë të ditur se Drejtoria e Standarteve Profesionale ka nisur një hetim disiplinor për "shkelje të rëndë".
 
Gjithashtu edhe Shërbimi për Çështjet e Brendshme dhe Ankesat, në Ministrinë e Brendshme, ka nisur një hetim për sqaruar rrethanat e ngjarjes dhe për të provuar nëse ka apo jo elementë të veprës penale.
 
Redaksia Online
l.q/Shqiptarja.com