SPAK lëshon 15 masa sigurie për investigimin e inceneratorit të Tiranës, Report Tv zbardh ekskluzivisht emrat

SPAK lëshon 15 masa sigurie për investigimin e inceneratorit të Tiranës, Report Tv zbardh ekskluzivisht emrat

Inceneratori

TIRANË- Prokuroria e Posaçme ka lëshuar sot (8 dhjetor) 15 udhër-arreste në vazhdim të hetimit të nisur që në 2020 për Inceneratorin e Tiranës. Disa prej urdhërarresteve të lëshuara nga SPAK janë ekzekutuar dhe disa janë ende në kërkim, ndërsa operacioni është në vazhdim. Report Tv mëson se masa 'arrest me burg' është lëshuar për Lefter Kokën, i dënuar nga GJKKO, Alqi Bllakon, po ashtu i dënuar, të dy në burg; Mirel Mërtiri e Klodian Zoto, që të dy në kërkim ndërkombëtar, për inceneratorët e Fierit dhe Elbasanit.

Urdhër arrest me burg është lëshuar edhe për Taulant Tushën, drejtor i Infrastrukturës në Bashkinë e Tiranës, i vetëdorëzuar në polici, Erjon Muratajn, Bledar Karolin, Namik Simixhiu, Jetmir Llapaj dhe Pëllumb Abeshin.

Konkretisht është lëshuar urdhër arresti dhe caktuar masa e sigurisë 'arrest me burg' për:
1- Lefter Kokën (I dënuar nga GJKKO për inceneratorin e Fierit dhe Elbasanit, aktualisht në burg)
2- Alqi Bllakon (I dënuar nga GJKKO, për inceneratorin e Fierit, aktualisht në burg)
3- Mirel Mërtirin (I dënuar nga GJKKO për inceneratorin e Fierit dhe Elbasanit )
4- Klodian Zoton (I dënuar nga GJKKO për inceneratorin e Elbasanit)
5- Erjon Muratajn
6- Bledar Karoli
7- Taulant Tusha (drejtor i Infrastrukturës në Bashkinë e Tiranës, u vetëdorëzua)
8- Namik Simixhiu
9- Jetmir Llapaj
Është caktuar masa e sigurisë 'Arrest shtëpie':
10- Pëllumb Abeshi (I dënuar nga GJKKO për inceneratorin e Elbasanit dhe Fierit)
11- Alba Thoma
12- Valbona Ballgjini
13- Sidita Kopliku
14- Etleva Kondi
15- Sidita Tola.

Hetimet për inceneratorin e Tiranës kanë nisur në kuadër të procedimit penal nr.255 të vitit 2020, për veprat penale të “Mashtrim me pasoja të rënda”  në bashkëpunim, “Shpërdorim i  detyrës”, “Korrupsion pasiv i funksionarëve të lartë shtetërorë ose të zgjedhurve vendorë dhe "pastrimi i produkteve të veprës penale apo i veprimtarisë kriminale". 

Kujtojmë së më 1 gusht, Gjykata e Posaçme me kërkesë të SPAK firmosi vendosjen e sekuestros preventive ndaj kompanisë “Integrated Energy B.V. S.P.V.” sh.p.k”, që është kompania koncesionare e inceneratorit të Tiranës si dhe të gjitha pasuritë e luajtshme dhe të paluajtshme të kësaj kompanie.

Sakaq më 25 shtator u dha vendimi për inceneratorin e Fierit. Ish-ministri i Mjedisit Lefter Koka do të vuajë 6 vite e 8 muaj burg, ndërkohë ish-sekretari i Përgjithshëm në Ministrinë e Mjedisit Alqi Bllako do të vuajë 2 vite e 8 muaj burg për aferën e inceneratorit të Fierit. Ndërsa për inceneratorin e Elbasanit, GJKKO tha vendimin më 5 tetor, duke dënuar ish-ministrin e Mjedisit Lefter Koka me 5 vjet e 8 muaj burg për korrupsion e shpërdorim detyre.

Rendit zhvillimet sipas orarit:
Ora 20:52
15 urdhër-arrestet për inceneratorin e Tiranës, Report Tv zbardh ekskluzivisht emrat! Për burrat 'arrest në burg', gratë në 'arrest shtëpie'

Report Tv ka zbardhur ekskluzivisht emrat e 15 urdhër-arresteve të lëshuara për inceneratorin e Tiranës. Për gratë është caktuar masë sigurie 'arrest shtëpie' kurse për burrat është vendosur 'arrest në burg'.

Emrat 

Lefter Koka- arrest në burg
Alqi Bllako- arrest në burg
Pëllumb Abeshi- arrest në burg
Mirel Mërtiri- arrest në burg
Klodian Zoto- arrest në burg
Erjon Murataj- arrest në burg
Bledar Karoli- arrest në burg
Alba Thoma- arrest shtëpie
Valbona Ballgjini- arrest shtëpie
Taulant Tusha- arrest në burg
Namik Simixhiu- arrest në burg
Sidita Kopliku- arrest shtëpie
Etleva Kondi- arrest shtëpie
Jetmir Llapaj- arrest në burg
Sidita Tola- arrest shtëpie
M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ALI: 08/12/2023 21:06

    O SPAK hetoni nga DOGANAT se po behet nami me shkelje dhe kondrabanda.keni me degju cudira

    Përgjigju
    • Xha Barka: 08/12/2023 23:55

      Po ku ka pellembe ky vend qe nuk duhet hetuar o vella.....ore ne duhet 200 vjet te na hetojne te pastrohemi se na ka ngrene krimbi

  • Sondazhi i ditës:

    Kuvendi miraton ndërtime strategjike në zonat e mbrojtura, si e vlerësoni?



×

Lajmi i fundit

Sërish nën arrest ish-informatori i FBI-së që akuzohet se gënjeu për çështjen Biden

Sërish nën arrest ish-informatori i FBI-së që akuzohet se gënjeu për çështjen Biden