TIRANË- Kreu i Partisë Mundësia, Agron Shehaj ka arritur që të vjedhë nga Kuvendi një dokument sekret, marrëveshjen ushtarake Shqipëri-SHBA e cila u fut në rend ditën e sotme me urgjencë. Në këto pamje të siguruara nga Report Tv, dallohet fare qartë momenti kur pasi Shehaj ka marrë dokumentin në duar është larguar me vrap nga salla e Kuvendit, ndonëse këshilltarja e ndjek nga pas me vrap dhe dëgjohet t’i thotë të ndalojë.
Marrëveshja përmes së cilës Shqipëria do të marrë 302 milionë dollarë kredi për blerjen e pajisjeve ushtarake përmban informacion të klasifikuar dhe për këtë arsye që në nisje të seancës kryetari i Kuvendit, Niko Peleshi u bëri me dije ligjvënësve se duhej të firmosin deklaratë konfidencialiteti dhe ta lexonin atë brenda ambienteve të Kuvendit. Por, Shehaj e vodhi deklaratën dhe e nxori jashtë sallës ku duhej ta lexonte materialin e klasifikuar, ndonëse kjo përbën shkelje të legjislacionit për informacionin e klasifikuar.
Vetë Shehaj pretendoi se dokumenti i takonte atij.
“Marrëveshjen e dorëzova sërish aty ku e mora. Marrëveshja nuk ka dalë nga Kuvendi i Shqipërisë. E mora sepse më takonte", tha Shehaj.
Por pavarësisht se deputeti thotë që ia ktheu dokumentin Kuvendit, Partia Socialiste kërkon ndëshkim shembullor për kreun e “Mundësia”. Grupi parlamentar socialist ka kërkuar përjashtimin me 60 ditë nga Kuvendit të Shehajt, për veprimet të rënda dhe të përsëritura, që këtë herë rrezikuan edhe sigurinë e punonjëses së parlamentit. Në kërkesën e grupit të PS, të cilën Report Tv e disponon, thuhet se këshilltarja që ndoqi Shehaj me vrap nga pas është rrëzuar nga shkallët dhe ka pësuar lëndime.
“Këshilltarja e ndoqi deputetin dhe në përpjekje për ta ndaluar dhe ta rimarrë dokumentin, u rrëzua nga shkallët dhe pësoi lëndime të rënda. Deputeti Agron Shehaj, me sjelljet e tij të përsëritura të dhunshme dhe agresive ka vënë në rrezik këshilltaren e cila është gjendur e pambrojtur përballë kësaj sjellje të dhunshme dhe të papranueshme”, thuhet në kërkesë.
Por jo vetëm përjashtim. Socialistët thonë se sjellja e deputetit duke marrë më forcë dhe duke nxjerr jashtë sallës dokumentin e klasifikuar sekret përbën shkelje të rëndë të legjislacionit dhe për këtë duhet të paditet në SPAK.
Prokuroria e Posaçme duhet të hetojë sipas tyre Shehajn për 5 vepra penale, si përvetësim i paligjshëm i informacionit të klasifikuar, vjedhje, grabitje, pengim i detyrës së funksionarit dhe cenim i sigurisë kombëtare.
Më herët vetë shefi i grupit parlamentar socialist Taulant Balla deklaroi se Agron Shehaj duhej arrestuar në flagrancë.
Partia Socialiste ka kërkuar përjashtimin me 60 ditë nga Kuvendi për Agron Shehajn, pasi vodhi marrëveshjen konfidenciale me SHBA dhe iku me vrap. Përveç përjashtimit, PS kërkon edhe referimin e çështjes në SPAK.
Në kërkesën për përjashtimin e Shehajt, PS thotë se “Këshilltarja e ndoqi deputetin dhe në përpjekje për ta ndaluar dhe ta rimarrë dokumentin, u rrëzua nga shkallët dhe pësoi lëndime të rënda, siç vërtetohet dhe nga pamjet video bashkangjitur kësaj kërkese.”
PS thotë se Shehaj ka kryer përvetësim të informacionit të klasifikuar dhe ka cenuar sigurinë kombëtare.
Ata kërkojnë referimin në SPAK duke thënë se Shehaj ka kryer veprat penale si më poshtë:
(i) përvetësimi ose marrja e paligjshme e informacionit të klasifikuar, duke qenë se dokumenti përmban informacion që mbrohet me ligj;
(ii)vjedhja ose forma të tjera të përvetësimit të paligjshëm, për shkak të mënyrës së marrjes;
(iii) grabitja sepse dokumenti është marrë me përdorim force ose kërcënimi ndaj personit që e mbante;
(iv) pengimi i detyrës së funksionarit publik sepse forca është ushtruar ndaj një punonjësi publik gjatë ushtrimit të detyrës;
(v) dokumenti lidhet me sekretin shtetëror dhe në këtë rast mund të verifikohen edhe dispozita të posaçme për mbrojtjen e informacionit të klasifikuar, të cilat parashikojnë vepra më të rënda penale, sidomos kur veprimi cënon sigurinë kombëtare dhe personi i dyshuar mund të ketë synuar dorëzimin e këtij materiali aktorëve të tjerë, të paidentifikuar nga ne, por që duhet të hetohen nga prokurorët.
Taulant Balla ka reaguar për gjestin e Agron Shehajt i cili mori marrëveshjen e konfidencialitetit për huanë 302 mln dollarëshe nga SHBA. Sipas Ballës, Shehaj duhet të arrestohet. Ai e quan “hajdut të të dhënave personale” që tani vjedh edhe dokumente të Kuvendit.
“Agron Shehaj duhet arrestuar në flagrancë për shkelje të të ligjit. Hajduti i të dhënave personale të shqiptarëve tani ka nisur të vjedhë edhe dokumentet e Kuvendit. Kur mungojnë argumentet, mbeten vetëm vjedhja e dokumenteve të klasifikuara dhe dëshpërimi. Agresioni ndaj një punonjëseje të administratës është gjithashtu një vepër penale”, shkruan Balla.
Komente
Lajme të tjera
-
Mero Baze: Duke menduar çfarë i duhej Agronit marrëveshja sekrete
27 Korrik, 22:04
-
Ylli Pata: Shkrepësja e revolucionit të tetorit? Pse PD dhe opozita e re bëri potere për paktin ushtarak me SHBA!
27 Korrik, 21:34
-
'Një palo burrë sot dhunoi një grua', Taulant Balla reagon pas incidentit me Agron Shehajn në Kuvend: Ku janë shoqatat dhe Komiteti i Helsinkit?
27 Korrik, 20:25 -
Fatos Çoçoli: E vlejnë 302 milionë dollarë partneritetin strategjik me SHBA-të?
27 Korrik, 20:12
-
Jakin Marena: Berisha anti-SHBA ose vesi del me shpirtin dhe Gonja, ‘biri i erës’
27 Korrik, 19:46
-
Agron Shehaj vodhi në Kuvend marrëveshjen sekrete Shqipëri-SHBA, reagon Rama: Prokuroria t'i tregojë vendin grabitësit të dokumentave të klasifikuar
27 Korrik, 19:30 -
SKEDA/ Ja çfarë parashikon kredia 302 mln USD nga SHBA-të: Shqipëria pritet të blejë pajisje e sisteme luftarake amerikane! Shlyerje brenda 12 vitesh, me interes mes 4-5 %
27 Korrik, 18:36 -
VIDEO / Momenti kur punonjësja e Kuvendit rrëzohet në shkallë duke ndjekur Agron Shehajn që vodhi marrëveshjen sekrete me SHBA, deputeti nuk e ndihmon
27 Korrik, 18:21 -
'Ngjarje historike' ministri Nufi pas miratimit të marrëveshjes së huasë me SHBA: Investim strategjik për sigurinë e Shqipërisë
27 Korrik, 18:12 -
Trafikuan 900 kilogramë drogëra drejt Finlandës, SPAK dërgon për gjykim 11 shqiptarët, mes tyre dhe drejtuesit e 4 grupeve kriminale (EMRAT)
27 Korrik, 15:39 -
'Iku me vrap si kalama kopshti', Bido nuk kursen Shehajn pasi vodhi marrëveshjen sekrete me SHBA: 'Bufoni' politik vuri në rrezik interesin kombëtar, të ndiqet penalisht
27 Korrik, 15:27 -
Agron Shehaj iku me vrap me marrëveshjen e konfidencialitetit në dorë, Balla: Duhet të arrestohet, hajduti i të dhënave ka nisur të vjedhë dokumentet e Kuvendit
27 Korrik, 12:32
Ai nuk beri mire qe I mori dhe iku me vrap. Po pse duhet kjo marreveshje te jete sekrete? C'jane keto marreveshje sekrete ne kurriz te popullit? Partia ne pushtet nuk me le mua te bej marreveshje sekrete ne kurriz te qeverise.. c'fare dmth vodhi marreveshjen sekrete?
PërgjigjuKapeni hajdutin....ky fëlliqësirë është turpi i parlamentit...
PërgjigjuNe kete nivel jane te 140 deputetet, vetem nga gjatesia dhe trashesia ndryshojne. Te perfundosh ne kete situate ku me doren tende te votosh per kete kategori njerezish, atehere nuk ta ka fajin njeri. Thjesht vuaj pasojat. Perverseve te partive politike tani i ka mbetur t'ia fusin njeri tjetrit, sepse populli i mori pasaportat evropiane. Shkerdheni grate e njeri tjetrit tani. Bythqima.
PërgjigjuKur s' ka asgje per tu shqetesuar, pse keni frike ju? pocaqi kuvend me 140 bajloze hajduter!
PërgjigjuPërse habiteni ky plerë ka lindur hajdut.
PërgjigjuDge i vjen keq Shehajt pse e quajne budalla.Por keto veprime vetem nje anornal i kryen Po cuat padine ne Soak perseri Shehaj do dali nga burgu se nuk e kap ligji.Eshte konplet i rrjedhu nga trute
PërgjigjuAgron Shehaj nenjte si ish zevendeskryeministri ne armati ne zvicer te dy te hane mbrapa kraheve jane skutha ose uritha
PërgjigjuSa turp! A eshte i ndergjegjshem ky person se ku ndodhet e cfare ben? C'èshte ky nivel?!
PërgjigjuSkuthi hileqari matrapazxhiu ashtu ngelet gjithmone nuk me pelqen ky person eshte shume negative
Përgjigju