Kriset raporti mes Fifit dhe Flori Mumajesit? Këngëtarja tregon se prej 1 viti kantautori nuk i ka kthyer mesazhet

Këngëtarja e njohur Fifi ka treguar se miqësia e saj me kantautorin Flori Mumajesi është prishur, por s’ka zbuluar arsyen.

Në një intervistë për mediat kosovare, artisja është shprehur se prej një viti nuk ka asnjë komunikim me Flori Mumajesin, të cilin e konsideron si mentor të saj, si edhe një person që e ka ndihmuar shumë në karrierën muzikore.

Ajo u shpreh se i ka dërguar mesazh kantautorit, por ky i fundit nuk i ka kthyer përgjigje prej 1 viti.

“Nga ana artistike ishte një mentor shumë i mirë, nuk mund ta lë mënjanë pa e përmendur atë njeri. Më vjen shumë keq që nuk po nxjerr më këngë sepse po i mungon shumë industrisë muzikës. Nëse ai njeri kthehet përsëri në skenë, ne të tjerët duhet të bien në gjunjë dhe të qajmë sepse ka këngë fantastike. Kam 1 vit që nuk kam folur me të dhe nuk e di pse nuk kam folur me të. Kam një vit që i kam shkruar dhe nuk më ka kthyer përgjigje, dikush do i ketë thënë diçka për ndonjë gjë, i ka ngelur hatri sepse kështu ndodh”, tha Fifi.

 

S.B/Shqiptarja.com

TAG:
• flori mumajesi
• Fifi