POP 5

Lajmet më të lexuara të 5 minutave të fundit

Sociale

Në gjurmët e shkrimtarit anglez, ringrihet rruga që ndoqi Eduard Lir në Krujë

Në hyrjen e kalasë së Krujës u vendos tabela me hartën dhe vendet ku ka udhëtuar në këtë qytet, piktori dhe shkrimtari anglez, Eduart Lir, si një itinerar për t’u ndjekur nga turistët.

Në gjurmët e shkrimtarit anglez, ringrihet rruga që ndoqi Eduard Lir në Krujë

KRUJË- Itinerari i poetit dhe piktorit anglez Eduard Lir në Krujë është produkti më i ri turistik që i ofrohet turistëve vendas dhe të huaj. Në hyrjen e kalasë së Krujës  u vendos  tabela me hartën dhe vendet ku ka udhëtuar në këtë qytet, piktori dhe shkrimtari anglez, si një itinerar për t’u ndjekur nga turistët. I pranishëm në këtë aktivitet, ministri Blendi Klosi theksoi se ringritja e këtij itinerari në kohët e sotme është një mundësi e artë për më shumë turizëm.

Rikthimi i të gjitha pikturave që Lir i bëri peizazhit shqiptar nëpërmjet veprave të piktorëve aktualë është i rëndësishëm edhe nën komponentin turistik të prezantimit të Shqipërisë, në sytë e udhëtarëve të sotëm që vizitojnë Krujën, dhe jo vetëm.  Ministri Klosi vlerësoi krijimin e guidës turistike  në të gjitha qytetet ku ka udhëtuar dhe ka lënë shënimet e pikturat e tij Eduard Lir, duke siguruar mbështetjen për ndërtimin e një turi të plotë  me guida të profesionalizuara.

“Shqipëria po shndërrohet në një destinacion turistik dhe falë këtyre investimeve që ka bërë qeveria shqiptare dhe bashkia e Krujës dhe sa herë që vjen në Krujë je i rrethuar nga turistë të huaj, por sa mirë do të ishte që në këtë pozicion ata të ndalonin , të njiheshin me historinë, të njiheshin me traditën, të merrnin guidën profesionale dhe padyshim të blinin edhe pikturat e piktorëve aktualë të cilët duhen promovuar”- tha ministri Klosi duke vlerësuar Institutin e Librit edhe për përfshirjen e 100 piktoëve shqiptarë në këtë projekt për të risjellë pikturat e Lir në të njëjtat vende ku ai ka pikturuar në kohën e tij. 

Poeti dhe piktori anglez Eduard Lir, bëri një udhëtim të plotë nëpër Shqipëri, duke marrë rrugën përmes Selanikut dhe Manastirit, ai udhëtoi në Ohër, Strugë, Elbasan, Tiranë, Krujë, Lezhë dhe Shkodër, Kavajë, Berat, Ardenicë, Apoloni, Vlorë, bregdetin e Himarës, Tepelenë, Gjirokastër dhe më tej në Janinë. Pas kthimit në Angli ai botoi “Ditarët e një peizazhisti në Shqipëri”. Shumë nga peizazhet dhe skicat që bëri gjatë udhëtimit regjistrojnë një dokumentim të përpiktë të Shqipërisë së mesit të shekullit XIX.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sokol: 03/11/2019 21:04

    Te ringrihet rruga egnatia,, do jete nje kryeveper turistike-historike,,,sepse bregdetin e kemi shkatarruar me pallate..

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça