TIRANË- Marrëveshja e një dite më parë e PD-LSI, për kryeministrin e Edi Rama është pjesë e planit të presidentit Ilir Meta dhe ish- kryeministrit Sali Berisha për të marrë pushtetin që të shkatërrojnë Reformën në Drejtësi...ose kokën e Lulit. Kështu e ka përkufizuar Rama këtë marrëveshje, i cili tha se nuk i jep dot asnjë shpjegim tjetër se përse u nënshkrua para zgjedhjeve në një kohë kur do të dalin në lista të veçanta në 25 prill.
I gjithë problemi, sipas Ramës, nuk është te Meta, por te kryedemokrati Lulzim Basha, duke theksuar se ky i fundit nuk ka këllqet e një lideri që të reagojë kur Meta deklaron se do kapë 'amerikanët nga veshi'.
"Është pjesë e planit për të lidhur Lulin me zinxhirin e Monikës, për llogari të Ilirit dhe Saliu dhe pastaj ose për të marrë pushtetin dhe për të shpërbërë reformën në drejtësi ose kokën e Lulit, a ka më thjeshtë se kaq dhe është shumë e qartë pse e duan Lulin para zgjedhjeve, por këtu problemit nuk është Meta, por Lulzim Basha që nuk ka këllqe, që nuk ka karakterin e një lideri", tha Rama. Për këtë akuzë, kryetarja e LSI-së, Monika Kryemadhi, sqaroi se përgjigjen do e japë nesër.
Në vijim të kësaj deklarate, Rama theksoi se Reforma në Drejtësi ka nisur që të japë efektet e saj e për të kuptuar këtë, ai theksoi se mjafton që të shiheshin dhe reagimet e presidentit Ilir Meta, sipas së cilit "ka shkalluar".
“Reforma në drejtësi është aq e besueshme saç është niveli i shkallimit të Ilir Metës”, tha kreu i qeverisë.
Thirrja e ndërkombëtarëve "për kandidatë të pastër në lista", për Ramën nuk janë kurrsesi ultimatume, duke shtuar se në Bruksel nuk ka dëgjuar kritika, por vetëm vlerësime mër Shqipërinë. Ndalur në një tjetër pikë, në atë të votës së të prekurve me COVID, kreu i qeverisë, ashtu si kurse kryekomisioneri Ilirjan Celibashi, e la të nënkuptuar se nuk mund të bëhet asgjë, përveç se të rrinë në shtëpi.
VIDEO/Konferenca e plotë e kryeministrit Edi Rama
Të infektuarit me COVID nuk do të votojnë më 25 prill. Kështu ka thënë edhe kryeministrit Edi Rama, pas deklaratës së Ilirjan Celibashit.
“Do bëjmë të njëjtën gjë që kanë bërë vendet e tjera për ata të cilët janë të testuar pozitiv dhe nuk janë negativizuar duhet të qëndrojnë në shtëpi. E kemi parë këtë, është i vërtetë shqetësimi dhe kjo është gjëja që kanë bërë vendet e tjera. janë të parët njerëzit që duhet të marrin përgjegjësinë për këtë.
Nuk ka pasur për fat të mirë të dhëna sheqetësuese postelektorale në asketin e influencës së shëndetit. Nuk ka pasur rritje të numrit të infektimeve. Këtë e kemi parë me shumë kujdes”, tha Rama.
Rama tha se është vaksinuar për të dhënë shembullin e besueshmërisë, por shtoi se mendon se politikanët në Shqipëri duhet të vaksinohen të fundit.
“Unë jam vaksinuar sepse kam bërë atë që kanë bërë të gjithë kolegët e mi në Europë dhe botë. Nuk është për të siguruar veten. Unë mendoj që politikanët në Shqipëri duhet të vaksinohen të fundit fare. Kaq e thjeshtë është”, u shpreh kryeministri.
Kryeministri Edi Rama ndërsa ka folur për disa ligje të Reformës në Drejtësi që janë depozituar për korrigjim në Kuvend ka deklaruar se reforma në drejtësi është e besueshme madje sipas tij ka filluar të japë efekte domethënëse saqë është tensionuar presidenti dhe ish-kryeministri Sali Berisha.
“Ju nuk do të bëni gabimin që bën ilir meta dhe ata që kanë lidhur lulin me zinxhir spese reforma në drejtësi dhe jo çdo ligj po çdo nen i çdo ligji të të gjithë paketës të reformës nuk është vullnet i shumicës qeverisëse por vullnet iplotë i garantëve të reformës, miqtë amerikanë.
Ska nen të reformës që kalon pa u diskutuar dhe miratuar bashkarisht. Reforma në drejtësi është a q e besueshme sa niveli i shkallimit të ilir metës, shikoni ilir metën dhe aty matet besueshmëria e reformës, kuptoni se ka filluar të japë disa shenja domethënëse që nuk janë shumë dhe fare mjaft por që janë mjaftueshmërisht të qarta për të tensionuar ilir metën dhe sali berishën. Shumë e qartë kjo”, tha Rama.
Kryeministri Edi Rama ka komentuardeklaratën e presidentit Ilir Meta, i cili tha se nëse PS do fitojë zgjedhjet, do të të marrë drejtimin e opozitës. AI ka komentuar me ironi edhe koalicionin e firmosur mes PD-LSI, para zgjedhjeve.
"Në një farë mënyrë Meta duhet falenderuar se ka sqaruar ekuacionin e referendumit, i cili ishte një ekuacion i paplotë me vetëm njërën anë që në 25 prill referendumi popullor do të shpërbëjë reformën në drejtësi, tani Meta i fton shqiptarët në një referendum duhet të zgjedhin me drejtësinë apo me Metën, zgjedhje më të qartë dhe të drejtpërdrejtë shqiptarët nuk mund të kenë në 25 prill. Sa i përket marrjes së drejtimit të opozitës, kjo besoj është e qartë, për ata që shikojnë përtej asaj që duket, mjafton të shikojnë marrëveshjen e djeshme [ër të kuptuar planin, pse u firmos marrëveshja dje? për cfarë,si mund të firmoset para zgjedhjeve një marrëveshje që shkojnë të ndarë në zgjedhje, pse për çfarë? Është pjesë e planit për të lidhur Lulin me zinxhirin e Monikës, për llogari të Ilirit dhe Saliu dhe pastaj ose për të marrë pushtetin dhe për të shpërbërë reformën në drejtësi ose kokën e Lulit, a ka më thjeshtë se kaq dhe është shumë e qartë pse e duan Lulin para zgjedhjeve, por këtu problemit nuk është Meta, por Lulzim Basha që nuk ka këllqe, që nuk ka karakterin e një lideri që të mos fshihet as kur i tregojnë se çfarë do t'i bëjnë të nesërmen dhe as kur aleati i tij i madh thotë "unë amerikanët i kap për veshësh, por nuk ia kërkojmë se nuk është lider por i një shoqërie aksionere me 2 ortakë, Ilir Metën dhe Sali Berishën dhe me një notere e përmbaruese, Monika", tha Rama.
Kryeministri Edi Rama ka bërë me dije se kërkesë e ndërkombëtarëve për "deputetë të pastër në lista", nuk është një ultimatum nga Brukseli. Ai tha se nga kjo vizitë ka dëgjuar vetëm vlerësime.
"Në Bruksel nuk kam dëgjuar ultimatume, por vlerësime pozitive për Shqipërinë. Nga ana tjetër më vjen mirë që koha e tregoi shpejt që munë kisha të drejtë për Reformën Zgjedhore dhe që kjo reformë ka marrë vlerësim maksimal nga Komisioni i Venecias që ishte krejt i kundër nga faktet e botës paralele. Nëse ka pasur diçka që ka kërcitur siç kërcet një derë e vjetër në sfond, ka qenë ndërhyrja e koleges tuaj, një ndërhyrje e pavend dhe e padobishme për të mos thënë turpëruese për kategorinë e gazetarëve. Nuk është folur fare për Portin e Durrësit në Bruksel. Zero. Dhe është për të ardhur keq që kjo shpiket këtu në Tiranë ndërkohë që ai investim është për të gjithë, është për ekonominë e të gjithëve dhe të ardhurat tuaja personale dhe të të gjithëve se do të ndikojë ndjeshëm në ekonominë shqiptare dhe në ekonominë e këtij vendi. Ia kam dëgjuar shumë këngën e Malit të Zi, Maqedonisë, që kanë investime të huaja dhe kemi paguar disa vite koston e një imazhi skandaloz të trashëguar të një tradite dhe kur ne bëhemi gati të bëjmë investime të përmasave të mëdha dhe që kanë atë prespektivë apo efekt mbi qytetarët e Malit e Zi, që kanë rrogat më të larta në rajon, këtu prodhohet baltë dhe shpifet paturpësisht për dicka që është e lidhur me interesin personal, familjar tuajin dhe të atyre që kanë një mikrofon përpara se rritja në ekonomi do ndikojë në ekonominë e gjithsecilit prej atyre që flasim", tha Rama.
Komente
Lajme të tjera
-
Turi me diasporën/ 'Diversantët' e Berishës 'të infiltruar' në takim! Rama: Akte antishqiptare nga të verbër që nxiten nga Tirana! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10
normal qe duan te marrin pushtetin se duan te shperbejen drejtesine, se ne fund te fundit ti si le as te jen Maliq se u ndryshove ligjet.. Para Rama, se qente lefin!!!!!
Përgjigju