Eshtë si një ushtrim i përsëritur mirë me qindra herë: Distancë, maskë në mjedis të mbyllur e me njerëz, larje duarsh, pastaj çdo veprim bëhet i natyrshëm. Në Itali, në Puglia kështu bëjnë të gjithë. Me durim. Në dyqanin e fruta perimeve, atë të prodhimeve bulmetore, në supermarket, në farmaci, futen me radhë dhe me distancë. Në heshtje, me respekt për njëri-tjetrin dhe me frikë për të padukshmen. Njerëzit në këtë kohë Covidi duket se nuk vrapojnë më në Itali. Çdo lëvizje është ngadalësuar, çdo përshëndetje ka humbur patosin e mëparshëm kur takon të afërm dhe miq. Kur kjo gjë i ka ndodhur një prej popujve më plot pasion, xhestikulime dhe gjallëri, bësoj se prej kësaj diçka duhet mësuar. Puglia, krahina përballë nesh, prej kohësh ka 0 të infektuar.
Në Shqipëri, dihet, nuk na pëlqejnë shumë rregullat. I kemi hedhur “në kosh plehrash” bashkë me atë të çmendur diktaturë që hoqëm në kurriz. Po na thanë mbaj maskën, do të na shijojë më shumë se çdo raki dëshira për të mos e vënë, po na thanë mbaj distancën, eh, ku ka më bukur se të përqafohemi në këto kohë; po na thanë laj duart, sa batuta do të hidheshin përreth nga miqtë tanë? Ka lindur në Shqipëri në këto kohë një tjetër lloj rebeli, quhet rebel Covidi.
Por me sa duket dhe mesa po shohim, Covid kapërcen hilet e gjithë qeverive që kemi parë ndonjëherë. Kapërcen urdhërat me fjalë, me figura apo me spote se si duhet të qëndrojmë dhe çfarë duhet të bëjmë. Nëse ka një më hileqar se ne të gjithë bashkë sot, ky është virusi Covid 19. E di. Sa të bukura janë konspiracionet, sa orë të këndshme kalohen nëpër kafe duke i përmendur të gjitha një më një, madje, Aqifi, komshiu i Sadetes, dinte edhe një tjetër akoma më të besueshme: Këtë që tha ai, nuk e kishte dëgjuar asnjë më parë. Dhe kështu, me pak muhabet, me një kafe apo edhe një ujë, vrasim frikën, sidomos atë frikë për të qenë vetëm e për t’u përballur vetëm, largqoftë me Covid19.
E megjithë, rebelë më rebelë të Shqipërisë, nuk është sot koha për trimëri, për konspiracione dhe arrogancë ndaj një situate virale që ende nuk e kanë të qartë as kokat më të zgjuara të globit. Në heshtje, pa arrogancë, duhet të jemi të kujdesshëm. Seriozisht. Të futemi edhe ne në këtë “film” me lëvizje të ngadalta, edhe pse nuk na pëlqen aspak, por nga shifrat dhe eksperiencat e të tjerëve, duket se është i vetmi “film” që mund të luajmë në këtë kohë plot Covid 19.
Komente
Lajme të tjera
-
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11 -
Origjina e virusit mbetet ende mister dhe tre vjet pas pandemisë
28 Shkurt 2023, 20:18 -
Eduard Zaloshnja: Efekti i epidemisë dhe luftës në Ukrainë tek çmimet e konsumit
27 Shkurt 2023, 15:13
-
OKB: Shqetësime të mëdha për shkak të trafikimit të qenieve njerëzore
25 Janar 2023, 07:47
Kur ta hajne gjithe ne b... do ta besojne
PërgjigjuVetem kur i bie ne shtepi e beson shqiptari se ndryshe i duket cdo gje kompllot
PërgjigjuMoj idiote po dhe covid e lidhe me ate "diktature". Na mbyti injoranca si popull, do te duhen vite te ariget niveli i diktatures
Përgjigju