'Kush i financon portalet, Rama, Basha, Meta, ekstremistët islamikë?!' Ulqini: Të zbulojmë nga vijnë paratë! 'Anti-shpifja' rregullon edhe AMA-n (VIDEO)

Deputeti socialist Musa Ulqini, relator në Komisionin parlamentar të Medias për paketën ligjore anti-shpifje që rregullon me ligj mediat online, tha se në Shqipëri është nevojë emergjente të rregullohet ky sektor. Ai tha se mendohet të jenë rreth 700 portale të cilat duhet të regjistrohen për të ditur pronarin që fshihet pas tyre, por mbi të gjitha edhe se kush i financon ato. "Ne po mbrojmë transparencën në këtë sektor, nga vijnë këto para, kush i financon këto portale, Edi Rama, Basha, Meta, janë para krimi, të pista, që vijnë nga fondacione ekstremiste islamike? Kush i financon? Ne po kërkojmë të regjistrohen, të bëjnë të qartë kush janë pronarët e tyre", tha ai.

Është e detyrueshme -tha Ulqini -të bëhet regjistrimi i medias, ndërsa raporti me AMA-në do të jetë vetëm një herë në vit, kur portalet duhet të dorëzojnë një raport vjetor me burimin e parave dhe si janë shpenzuar ato. Në rast të ankesave nga burime të ndryshme për portale të ndryshme, ato adresohen në AMA, nëse zgjidhja nuk vjen në këtë fazë, atëherë kalohet tek Këshilli i Ankesave, dhe vetëm në fazën e tretë nëse palët nuk bien dakord, kalohet në proces gjyqësor. "Ne kërkojmë të mbrohet privatësia e qytetarëve shqiptarë, sa vajza të reja janë cënuar nga këto portale dhe ku t'i gjejnë ata ta bëjnë përgënjeshtrimin,dhe ikin pasi kanë përjetuar drama të mëdha. Këtu futet AMA, Këshilli i Ankesave, pa shkuar tek gjyqi. Nëse portali thotë që kam faktet, dhe ligji ja garanton të drejtën të mos tregojë ku i gjeti faktet. Nëse nuk zgjidhet problemi tek AMA, shkon tek Këshilli i Ankesave, pastaj tek gjykata", tha deputeti socialist.

Referuar akuzave se Autoriteti i Mediave Audio-vizive është institucion politikë, Musa Ulqini tha se ky ligj rregullon edhe AMA-ën. "Nuk mund të jesh anëtar i AMA-s nëse ke qenë deputet, nëse je anëtar partie, prefekt, nëse ke pasur probleme me mediat elektronike, ka një mbrojtje të madhe këtu, dhe nuk mund të shkosh si Mark Marku sot të mbash fjalime, duhej të ikin ata. Duhet të vijnë nga gazetaria, akademikë, që nuk kanë lidhje me politikën", u shpreh ai.

Musa Ulqini: Ky ligj ka një vit që diskutohet. I mirëkuptoj kundërshtarët politikë dhe ata që i preken interesat dhe gjuha e tyre është e paprecedentë. E kam fjalën për median, për komunitetin e gazetarëve dhe për qytetarët. Ky projekt ka ardhur nga qeveria në respekt të Kushtetutës, ndryshe nga tradita e deritanishme që janë prodhuar nga ky komision. Për një vit nuk është sjellë në parlament, duke marrë në konsideratë gjithçka çfarë është shprehur hapur publikisht nga gazetarët dhe grupet e interesit. Janë bërë 4 tavolina, janë ftuar njerëz të rëndësishëm të shoqatës së mediave, që ose nuk kanë shkuar, ose nuk kanë qenë produktiv për të thënë si mund të rregullohet. Janë bërë 6 raunde bisedimesh me OSBE. Sot është dita si deputetë të shprehemi, ndërsa më herët kemi kërkuar seanca dëgjimore. Jemi në trendin e shqetësimeve që ka bota. Ne kemi një ligj që nuk e ka askush në Evropë për shtypin e shkruar, në vitin 1997.

Kemi një ligj që e kemi miratuar me konsensus për televizionin e radiot.

Nuk po rregullojmë Facebook-un, po rregullojmë publikimet elektronike. Ky nuk është një ligj kundër FakeNeës, por rregullon një sektor të parregulluar, që janë portalet. Nuk e bën dot ta vë nën kontroll Edi Ramas, as ai as qeveria nuk jemi në këtë trend. Për shkak të mënyrës si funksionon ky sektor, janë prodhuar precedentë për të cilin sot po bëhet gjykim historik në SHBA, në BE po ndryshohen direktivat për këtë çështje. Në Shqipëri mendohet se janë 700 portale, askush nuk e di shifrën e saktë. Jo të vendoset nën kontroll dhe t'u mbyllet goja gazetarëve.

Dolën me qindra shqiptarë në terror në rrugë. Nuk kam parë asnjë përfaqësues të medias, të dalë ta dënojë këtë gjë. Përse qeveria nuk mori masë në këtë rast? Sepse është sektor i parregulluar. Si mund të marrësh masë kur nuk është rregulluar me ligj. Ne nuk po e bëjmë këtë, por e kemi indicie shqetësimin e qytetarëve. Jemi duke mbrojtur vetë pluralizmin. Nëse nuk e dimë kush i financon portalet, është në rrezik të madh, dhe BE po e adreson këtë çështje. Ne po mbrojmë transparencën në këtë sektor, nga vijnë këto para, kush i financon këto portale, Edi Rama, Basha, Meta, janë para krimi, të pista, që vijnë nga fondacione ekstremiste islamike? Kush i financon? Ne po kërkojmë të regjistrohen, të bëjnë të qartë kush janë pronarët e tyre. Ne kërkojmë që AMA çdo vit të paraqesë një raport, nga kanë ardhur paratë, sa janë shpenzuar. Ku është krimi këtu? Duhej ta kishim bërë më shpejt. Po mbrojmë gazetarët, se punojnë në të zezë, se janë të paregjistruar. Ne po kërkojmë që e drejta e autorit. Duhet të ngrihen në protestë, këngëtarë, artistë regjisorë, shkrimtarë! Ne po mbrojmë këtë gjë, të drejtën e autorit. Ne po vendosim një rregull, ne nuk po vendosim diktat. Ne kërkojmë të mbrohet privatësia e qytetarëve shqiptarë, sa vajza të reja janë cënuar nga këto portale dhe ku t'i gjejnë ata ta bëjnë përgënjeshtrimin,dhe ikin pasi kanë përjetuar drama të mëdha. Këtu futet AMA, Këshilli i Ankesave, pa shkuar tek gjyqi. Nëse portali thotë që kam faktet, dhe ligji ja garanton të drejtën të mos tregojë ku i gjeti faktet. Nëse nuk zgjidhet problemi tek AMA, shkon tek Këshilli i Ankesave, pastaj tek gjykata. AMA është politike?! Ky ligj rregullon edhe AMA-ën. Nuk mund të jesh anëtar i AMA-s nëse ke qenë deputet, nëse je anëtar partie, prefekt, nëse ke pasur probleme me mediat elektronike, ka një mbrojtje të madhe këtu, dhe nuk mund të shkosh si Mark Marku sot të mbash fjalime, duhej të ikin ata. Duhet të vijnë nga gazetaria, akademikë, që nuk kanë lidhje me politikën.

Disa gjëra kanë vend për t'u diskutuar, për tu rregulluar. Mendoj se është diçka në kohën e duhur, është një shqetësim i madh në Shqipëri dhe në botë.

Lajmi kryesor:

'Ligjet' miratojnë paketën Anti-Shpifje me disa ndryshime! 'Media' ul gjobën ndaj portaleve (VIDEO)

G.M./b.ha./Shqiptarja.com

TAG:
• lulzim basha
• PD
• paketa antishpifje