POP 5

Lajmet më të lexuara të 5 minutave të fundit

Arkiva

Kuvend, dosja me prapaskenat
e diplomacisë së Topallit

EKSKLUZIVE/ Ish-drejtori i përgjithshëm në Shërbimin e marrëdhënieve me Jashtë në Kuvendin e Shqipërisë, Dritan Selo, i shkarkuar tre ditë më parë, pas 13 vjet drejtim në diplomacinë e Kuvendit, me një dokument dërguar sekretarit të përgjithshëm të dikasterit, jo vetëm që rrëzon pretendimet e ngritura për ta hequr nga puna, duke e zëvendësuar me një të afërme të kryetares së Kuvendit, Topalli, por nxjerr zbuluar edhe diplomacinë shqiptare. Në foto: Faksimilie e letërkëmbimit me Kuvendin)
Kuvend, dosja me prapaskenat<br />e diplomacisë së Topallit
TIRANË - Ata që e dinë më mirë se pse u shkarkua, Dritan Selo, janë deputetët: thonë se kryetares i hipi inati kur ambasadorët e huaj të akredituar në Tiranë nuk denjuan as t’i jepnin dorën në 17 janar 2012, kur në sallën e seancave plenare ishte përgatitur një ceremoni e madhe për nder të heroit Kombëtar, Skënderbeu. Fajtori? Dritan Selo.
Në Tiranë edhe në keq, ambasadori serb vendos që kryetari i parlamentit të Kosovës të mos marrë pjesë në një takim rajonal. Këtu një vizitë informale e Xhanfranko Finit, merret si vizitë me attribute shtetërore nga kryetarja e Kuvendit dhe dhjetra e dhjetra gafa të rënda që ndodhin në institucionin ku Topalli I ka punësuar të gjithë, të vetët, duke hedhur në rrugë, specialistët, siç është rasti I tre ditëve më parë me Dritan Selon, i cili u hoq për tu zëvendësuar nga një zonjë e sektorit të përkthimeve, dhe që si rastësisht është familjare e kryetares së Kuvendit. Një rrjetë nepotike që shtrihet cep më cep dhe të cilën s’mund ta mbulojë diplomacia parlamentare e Jozefina Topallit, e cila prej vitit 2005 i ka rënë globit disa herë, me alibinë për të lobuar për Kosovën, por që nuk di të zgjidhë ngërçin që ka në prag të shtëpisë me parlamentin grek.

SI FLAKET NË RRUGË PAS 13 VITESH NË DETYRË
Dritan Selo prej 13 vitesh në pozicionin e drejtorit të përgjithshëm në Shërbimin e marrëdhënieve me Jashtë, prej 22 shkurtit e ka parë veten të papunë. Më keq, të flakur në rrugë, edhe pse me statusin e nëpunësit civil.
Vendimi që e nxjerr në rrugë është sa qesharak, aq edhe I frikshëm, se sa pak integritet ka një nëpunës në këtë vend. Siç duket edhe nga faksimilja, me vendimin numër 4 datë 22 shkurt 2012, firmosur nga sekretari I përgjithshëm të Kuvendit, 61- vjeçari Dritan Selo lirohet nga detyra si drejtor i përgjithshëm në Shërbimin e marrëdhënieve me Jashtë. Ai duhet të dorëzonte detyrën dhe të gjitha materialet brenda ditës, i jepej një
shpërblim 4 ditësh leje për pushimin vjetor të paguar për vitin 2012, ndërsa marrëdhëniet financiare me Kuvendin ndërpriteshin në datën 23 shkurt 2012.

(Shkrimin e plotë e gjeni në numrin e sotëm të gazetës “Shqiptarja.com)

(aq/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça