POP 5

Lajmet më të lexuara të 5 minutave të fundit

Opinion

Periferi

Ky agjërim marrëdhëniesh njerëzore

Fjalët e kryeministrit britanik Boris Johnson dhe të këshilltarit të tij shkencor Patrick Vallance shokojnë: “Le të marrin virusin shumica e britanikëve, do të vdesin disa, por duhet bërë infektimi i turmës që të jemi më të fortë stinën e ardhshme”.

Ky agjërim marrëdhëniesh njerëzore

Pasioni i Italisë, masat e rrepta për të bllokuar koronavirusin, bënë kontrast me qëndrimin e ftohtë të Gjermanisë, Francës, Austrisë, Spanjës, por sidomos të Britanisë së Madhe. Pastaj rigoroziteti i Kinës: mbyllja e menjëhershme në karantinë, pamjet rrënqethëse nga vatra Wuhan, ndërtimi në kohë rekord i spitaleve dhe dalja nga emergjenca me shërimin e pacientit të fundit pas tre muajve përpëlitje.

Fjalët e kryeministrit britanik Boris Johnson dhe të këshilltarit të tij shkencor Patrick Vallance shokojnë: “Le të marrin virusin shumica e britanikëve, do të vdesin disa, por duhet bërë infektimi i turmës që të jemi më të fortë stinën e ardhshme”.

Me kë jemi dhe si jemi ne, shqiptarët? Besoj se shpirtin dhe zemrën e kemi më afër me Italinë, ku kemi parë se si i trajtojnë dhe sa i duan të moshuarit e tyre. Vetëm në Itali kemi parë atë gjallëri tek mosha e tretë sa vështirë të shihet në të tjera vende të botës. Vetëm në familjet italiane mund të gjesh aq shumë të moshuar, 80 vjeçarë e më sipër, që me zemër e gëzim gatuajnë dhe trashëgojnë receta të jashtëzakonshme nëpër familjet e tyre. Të moshuarit italianë nuk janë qënie njerëzore të parkuara në një cep të shtëpisë në pritje të vdekjes. Ata gëlojnë ide, punë, kontribut në familje, drejtojnë e komandojnë. Janë të çmuar.

Kështu i shoh dhe familjet shqiptare në këtë përballje të vështirë. Krah për krah me njëri-tjetrin për të vlerësuar e nxjerrë mes nesh më të mirën. Le të themi një të vërtetë të madhe: Qytetet bosh, mungesa e një takimi, e një përshëndetje njerëzore është një e madhe që na mungon. Si ndjehet këto ditë vajza e supermarketit? Po kamarieri që na shërben kafen e mirë, po fqinja, që përditë e përshendesim teksa nxjerr qenushin e bukur shëtitje, po kolegët, të afërmit, miqtë?

Shpresoj që ky agjërim marrëdhëniesh njerëzore të na bëjë të zbulojmë të bukurën dhe të vlefshmen të njëri-tjetri e pas kësaj, të mëndohemi 1000 herë para se të lëndojmë një Njeri.

xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça