Lidhur me debatin që është krijuar për sa i takon pjesëmarrjes së aktivistëve të komunitetit të LGBT në zhvillimin e leksioneve dhe orëve të hapura në shkollat e mesme në Tiranë dhe, dhe që kulmoi me një letër që ky komunitet i drejtoi kryetarit të Partisë Demokratike Lulzim Basha, pas kundërshtimeve nga ana e disa deputetëve të kësaj partie, 20 organizata dhe rrjete kanë nënshkruar sot një deklaratë ku dënojnë urrejtjen dhe mllefin që ekziston në Shqipëri ndaj LGBTI-ve.
Deklarata e plotë e LGBTI dhe shoqatave dhe rrjeteve mbështetëse
Urrejtja nuk i shpie asnjëherë qytetarët dhe kombet përpara!
Barazia, respekti dhe pranimi i vlerave të përbashkëta të të gjithë qytetarëve janë bazat e zhvillimit të një vendi të qytetëruar!
Rrjetet dhe organizatat e shoqërisë civile, nënshkruese të kësaj deklarate publike, janë njohur sot nga mediat kryesore dhe portalet online në Shqipëri, me deklaratat e bëra gjatë ditëve të fundit, nga disa deputetë dhe politikanë të djathtë dhe të qendrës së majtë në Shqipëri në lidhje me komunitetin LGBTI. Qendrimet e tyre janë bazuar tek abuzimi që i është bërë informacionit publik dhe fotove të ndara nga vetë organizatat që punojnë për të drejtat e komunitetit LGBTI në Shqipëri, ku shfaqen momente nga seancat informuese që ato kanë mbajtur me të rinj e të reja në disa gjimnaze në Tiranë, për t’i informuar të rinjtë mbi fenomenet më negative të shoqërisë si bulizmi, dhuna dhe diskriminimi, e si mund të mbrohen nga to.Nuk ka qëlluar asnjëhere më parë në Shqipëri që të ketë një shprehje kaq të hapur të urrejtjes dhe diskriminimit kundër një grupi të vetëm shoqëror sesa ndaj komunitetit LGBTI!
Shqipëria ka probleme serioze me respektin për të drejtat e njeriut, por nxitja për dhunë, përjashtim dhe shkelje të të drejtave të njeriut, nuk është bërë asnjëherë kaq haptazi kundër komuniteteve që përbëjnë Shqipërinë, përveçse atij LGBTI. Ky veçim i një grupi specifik shoqëror dhe vendosjes së tij në qendër të të gjitha thirrjeve të urrejtjes, është jo vetëm i rrezikshëm, por edhe tërësisht i patolerueshëm për një vend që kërkon të bëhet antar i Bashkimit Europian!
Reagimi i koordinuar i këtyre politikanëve, përveçse përbën nxitje të gjuhës së urrjetjes, të dënueshme nga Kodi Penal i Shqipërisë, tregon edhe një herë sesa larg janë politikanët dhe partitë politike në Shqipëri, nga respekti për të drejtat e njeriut në tërësi dhe atyre të komunitetit të lezbikeve, gejve, biseksualëve dhe transgjinorëve në Shqipëri.
Rrjetet dhe organizatat e shoqërisë civile, me anë të kësaj deklarate, nxisin Ministrinë e Arsimit, Shkencës dhe Rinisë, organizatat LGBTI, organizatat e të drejtave të grave, të fëmijëve, të minoriteteve dhe më gjerë, që të vijojnë dhe forcojnë përpjekjet e tyre për të informuar mësuesit, adoleshentët, të rinjtë dhe familjet e tyre në lidhje me mbrojtjen nga bulizmi, dhuna me bazë gjinore, përjashtimin dhe diskriminimin i komunitetit LGBTI, të drejtat e grave, të drejtat e të rinjve, të drejtat e minoriteteve etj!Këshilli i Ministrave, Ministri i Arsimit dhe Shkencës dhe drejtuesit e institucioneve arsimore nxiten të përmbushin detyrimet ligjore që burojnë nga ligji nr. 10 221, datë 4.2.2010, “Për mbrojtjen nga Diskriminimi” në lidhje me rritjen e informacionit dhe ndërgjegjësimin për legjislacionin antidiskriminim dhe ndalimin e diskriminimit, në mënyrë të veçantë për personat kanë më shumë mundësi të jenë objekt i diskriminimit.
Nga ana tjetër, ne si Rrjetet dhe organizata të shoqërisë civile, parashtrojmë këto kërkesa, si më poshtë:
- Kuvendi i Shqipërisë të dalë me anë të një deklarate publike ku të dënojë çdo shfaqe dhe gjuhë të urrejtjes kundër komunitetit LGBTI në Shqipëri, si dhe të riafirmojë që Shqipëria dhe politikanët e saj janë për respektin e të drejtave të të gjithë qytetarëve në vend në mënyrë të barabartë dhe pa diskriminim!
- Komisioni Parlamentar për të Drejtat e Njeriut dhe Komisioni Parlamentar i Arsimit, në Kuvendin e Shqipërisë, të organizojnë seanca të menjëhershme dëgjimore për të shqyrtuar gjendjen e rëndë të të drejtave të komunitetit LGBTI në Shqipëri, si dhe për të mbështetur Ministrinë e Arsimit në kryerjen e detyrave të saj të ngarkuara nga ligji;
- Komisioneri për Mbrojtjen nga Diskriminimi të kryejë hetime administrative pas marrjes së informacionit për shkelje të këtij ligji si dhe të vendosë sanksione administrative sipas përcaktimeve të ligjit nr. 10 221, datë 4.2.2010, “Për mbrojtjen nga Diskriminimi”.
- Ne i bëjmë thirrje Prokurorisë së Përgjithshme që të hetojë deklaratat, shkrimet dhe qendrimet publike të mbajtura nga çdo politikan dhe zyrtar publik në Shqipëri dhe të shpjerë për gjykim për nxitje të gjuhës së urrejtjes çdo person që ka shkelur Kodin Penal;
Ne besojmë se vetëm barazia, respekti dhe pranimi i vlerave të përbashkëta të të gjithë qytetarëve janë bazat e zhvillimit të një vendi të qytetëruar! Në këtë kuadër ne nxisim çdo mësues, prind, të ri e të re, qytetar etj, që të mbështesin dhe përkrahin shkollat, që ato të japin edhe më shumë dije dhe informacion për të drejtat e njeriut në Shqipëri.
Nënshkruese të kësaj deklarate janë Rrjetet dhe organizatat e mëposhtme:
Rrjetet:
1. Rrjeti Kombëtar për të Drejtat LGBTI në Shqipëri;
2. Koalicioni për Promovimin e Pjesmarrjes së Grave dhe të Rinjve në Politikë;
3. Rrjeti për Arsimin në Shqipëri;
4. Rjeti Kombëtar për të Rinjtë në Shqipëri;
5. Rrjeti i Fuqizimit të Gruas në Shqipëri;
Organizatat
1. Ambasada PINK;
2. OMSA;
3. Aleanca Gjinore për Zhvillim;
4. Fondacioni Shqiptar për të Drejtat e Personave me Aftësi të Kufizuar;
5. Grupi Shqiptar për të Drejtat e Njeriut;
6. Komiteti Shqiptar i Helsinkit;
7. La Casa nel Cuore;
8. Partnerë për Fëmijët;
9. Qendra për të Drejtat e Fëmijeve në Shqipëri;
10. Qendra për Popullsinë dhe Zhvillimin;
11. Qendra per Nisma Ligjore Qytetare;
12. Qendra Kombëtare për Shërbime Komunitare;
13. Shoqata në Ndihmë të Gruas Shqiptare;
14. Shoqata për Mbrojtjen e të Drejtave të Personave me Aftësi të Kufizuar;
15. Shoqata Ndihmoni Jeten
Komente
Lajme të tjera
-
Presidenti bullgar nënshkruan ligjin që ndalon 'promovimin' e komunitetit LGBT në shkolla
15 Gusht, 19:00 -
Eksperti i pavarur i OKB-se: Personat LGBT përballen me diskriminim, rastet e dhunës sporadike! 'Prindi 1' e 'Prindi 2' debat i rremë
12 Korrik, 16:50 -
‘Parada e Krenarisë’, komuniteti LGBT marshon në Tiranë me moton 'Çdo ngjyrë, një familje'! Aktivistja: S’jemi kërcënim për shoqërinë (FOTO)
25 Maj, 17:32 -
Myftiu i Shkodrës kundër martesave LGBT dhe Surrogacisë
24 Maj, 18:16
-
A duhet të njihen ligjërisht martesat e së njëjtës gjini? Ja si u votua në sondazhin e Shqiptarja.com
22 Maj, 08:32 -
Dom Gjergj Meta: Një provokim pashije në tarracën e një bashkie
20 Maj, 22:58
-
Dasma e 2 vajzave në tarracën e bashkisë Tiranë, teologu Çako: Nuk është martesë fetare krishtere! Xheni Karaj: Dashuria e tyre s’dëmton askënd
20 Maj, 14:50 -
'Reuters': Protestë dashurie, lezbiket shqiptare martohen jozyrtarisht
20 Maj, 13:33 -
Dasma e çiftit të së njëjtës gjini në tarracën e bashkisë së Tiranës, Alba Ahmetaj: Ceremonia ishte simbolike! Komunitetet fetare: Feja dhe ligji e ndalon
20 Maj, 11:37
-
FOTO/ Të veshura me fustane nusërie, Edlira e Alba, çifti i së njëjtës gjini kurorëzojnë dashurinë në tarracën e bashkisë Tiranë
19 Maj, 22:15 -
Edlira e Alba, çifti i së njëjtës gjini kurorëzojnë dashurinë! Kërkojnë të martohen në gjendje civile! Ceremoni në tarracën e bashkisë
17 Maj, 22:19
-
BE kërkon ndryshime ligjore drejt njohjes së martesave homoseksuale brenda 2028! Rishikim Kodit Penal për gjuhën e urrejtjes
15 Maj, 19:15
Jeni per tu vare te gjithve ne litare digjenurut rregullat njerzore doni qe tju njohim dhe tju veme kurora shkaterruat familjet pushkatim
PërgjigjuMire do ishte qe jo vetem LGBTI por te gjitha ato rrjete e shoqata te vinin ne per shkolla nje nga nje.
PërgjigjuKur keto palo organizata te bejne transparencen e fondeve qe kane vjedhur nga projektet gjithe keto vite atehere do besojme ne seriozitetin e kesaj deklarate. Cfare kerkojne keta? Te futen me dhune ne vatrat tona? Te futen me dhune ne shkollen ku i cojme femijet per te mesuar? Kush i shan keta dreqer? Mos u merrni fare me keta. Mbrojme vatrat dhe femijet tane. As Pinderit dhe as Karajt nuk ju shkon njeri ne shtepine e tyre dhe tu thote se ne jemi hetero seksuale dhe juve jeni devijante. Keta po kruhen si Shabsn Qosja per te marre para nga donatoret qe te blejne tanga lekure per Pinderin dhe rroba burri per Xhenin. Ikni ore njerez shikoni punen dhe jeten tuaj. Kush ju dhunon denoncojeni ne prokurori si te gjithe. Pragu i shtepive tona eshte i shenjte dhe nuk ka gei dhe lezbike qe afrohet atij dhe femijeve tane. Shteti, ligjet, rruget, sheshet, baret, restorantet etj etj jane te te gjitheve. Kaq e thjeshte eshte.
Përgjigjusi erdhi kjo kohe, vetem keta duan qe te flasin lirshem, kurse gjite te tjeret duhen cuar ne prokurori nese iu thone nje llaf...nuk habitem fare qe keta e ktgyer veten e tyre ne objekt urrejtje
PërgjigjuPo ai kokemushka Ekrem Spahiu çfar thote?
Përgjigju