Në interpelancën e thirrur nga opozita e re lidhur me grabitjen në Rinas, ministri i Brendshëm ka bërë përgjegjës kryesorë kompaninë koncesionare dhe atë të sigurisë, sipas së cilit kanë njoftuar ngjarjen me shumë vonesë. Duke iu përgjigjur pyetjeve të deputetit të LSI-së, Ralf Hjoni, lidhur me ecurinë e hetimeve, Lleshaj ka njoftuar se janë siguruar prova të rëndësishme, që mund të çojnë në zbardhjen e plotë të ngjarjen. Ai ka vënë theksin se nuk është cenuar siguria kombëtare, duke argumentuar se nuk mundet që 5 persona, edhe pse të armatosur të përbëjnë një rrezik kombëtar. Në fund, Lleshaj ka parashtruar edhe disa probleme kyçe me të cilat përballet Aeroporti i Rinasit, që kanë të bëjnë jo vetëm me sigurinë, por edhe me shërbimin dhe u ka bërë thirrje palëve politike që të mos t'i japin kësaj ngjarje ngjyrime politike.
"Më keni bërë aq shumë pyetje, sa vetëm po t'i lexojë do më merrni 20 minuta. Është një ngjarje e rëndë, sepse është episod i përsëritur. Ka marrë të gjithë vëmendjen e duhur të Policisë, pavarësisht dhe ngarkesave të shumta të policisë, për të menaxhuar atë që ka rol kryesor. Ngjarja ka tentuar që të marrë ngjyrim politik, madje duke e drejtuar drejt absurdit. Ka pasur një gatishmëri të madhe për të ndërtuar skenar se çfarë mund të kishte ndodhur përveç asaj që kishte ndodhur. Si mund të nxihet më shumë se realiteti, kjo ka qenë qëllimi. Nuk është një cenim i sigurisë së vendit, nuk cenohet siguria nga 5 persona.
Ngjarja ka ndodhur në orën 9 prill 14:45, 5 persona të armatosur kanë vjedhur një sasi të konsiderueshme parash dhe janë larguar drejt Tapizës. Ngjarja është shumë e njohur, por është një seri dështimesh të disa hallkave. Me një ligj të miratuar në këtë vend, përgjegjësia i është transferuar një kontraktorit privat, unë s'kam qenë kurrë dakord, por ky vendimi është marrë në këtë Kuvend dhe është pranuar 15 vite me radhë dhe askush nuk e ka atakuar asnjëherë faktin bazë që kjo çështje e sigurisë është transferuar në duar private. Operatori privat ka njoftuat 5 min dhe 21 sekonda me vonesë, policinë e cila e kishte marrë informacionin në rrugë të treta, TIA ka njoftuar ngjarjen 30 minuta pasi ka ndodhur.
Kontraktori privat nuk ka lejuar të futet brenda policinë, se porta përkatëse nuk është hapur nga kompania e sigurisë së aeroportit. Rrethimi s'ka dyer të sigurta, kamerat jo funksionale, zona e transitit ka probleme, 12 probleme të mëdha në cilësinë e shërbimit. Pas ngjarjes, janë marrë disa masa të rëndësishme, kemi marrë drejtimin e kësaj kompanie sigurisë, që ka humbur besueshmërinë tonë. Janë marrë masa për forcimin e patrullimit, policia ka marrë kontrollin edhe brenda aeroportit. Perimetri i jashtëm është vendosur nën ruajtjen e FA.
Me masat e marrë është garantuar që ngjarje të tilla të mos përsëriten më. Gjëja e vetme që e ndryshon këtë episod është reagimi i policisë, por policia ka reaguar madje shumë shpejt. Ka reaguar pa pasur asnjë njoftim, e ka marrë njoftimin nga rrugë të treta. Ka pasur një përplasje me armë, ku ka mbetur një viktimë. Ka qenë një krim i organizuar mirë. Ngjarja është në hetim, kemi siguruar prova të rëndësishme që japin shpresë të madhe për sukses në hetimin dhe zbardhjen e plotë të ngjarjes. Besohet se është një ngjarje me të njëjtët autorë si të kaluarën. Kemi të bëjmë me grabitje me autorë profesionist, që më herët kanë shpërthyer një burg të sigurisë së lartë në një vend të BE. Është hera e parë që kemi një sukses fillestar. Garantoj qytetarët se siguria është e garantuar", tha Lleshaj.
Lajmi kryesor:
Interpelanca në Kuvend për grabitjen/ Lleshaj akuzon 'TIA'-n: Njoftoi 30' me vonesë, do të marrim masa (Debatet)
Lajme të tjera
-
Stojku pralajmëron partinë e re: Kurrë mos thuaj kurrë, çudia më e madhe zgjat 3 ditë
17 Shtator 2020, 18:33 -
Raporti i DASH, Kulluri: Dështim total, akoma më keq kur opozita kthehet në kliente të pushtetit
10 Shtator 2020, 11:19 -
Reforma Zgjedhore/ Salianji: Nuk ulemi në tryezë me Ramën e Opozitën e re (VIDEO)
8 Korrik 2020, 19:49
-
Rama porosi deputetëve në qarqe: S'ka zgjedhje të parakohshme në Bashki! S'jam për lista të hapura, por deri në fund s'i dihet! Mund të mos kemi koalicione parazgjedhore
7 Korrik 2020, 19:24 -
Reforma Zgjedhore/ SHBA rinis negociatat me opozitën e re, takim me deputetët në Kryesinë e Kuvendit
19 Qershor 2020, 09:22 -
FOTOLAJM- Deputeti i opozitës së re parkon biçikletën 'pink' te Kuvendi, në karantinë mori para për karburantin e makinës
15 Qershor 2020, 15:05 -
Gjoni shpërndan sondazhin e Shqiptarja.com: Shumica e shqiptarëve na mbështesin për listat e hapura! Është kthyer kauzë kombëtare
11 Qershor 2020, 18:22 -
Takim me njerkun, në vend të babait
10 Qershor 2020, 20:38
-
2 orë takim s'bindin opozitën e re për 'Zgjedhoren'/ Rama: Bashës i thashë 'bëje si të duash', Murrizit s'i them dot! Të bashkojmë forcat për të gjetur zgjidhje
10 Qershor 2020, 15:53 -
Hajdari e thotë hapur: Jo, s'do ta votoj marrëveshjen për 'Zgjedhoren' në Kuvend! Do jem kandidate për deputete në zgjedhjet e ardhshme
9 Qershor 2020, 21:50 -
Pëllumbi për Report TV: PD-LSI detyrim të bind opozitën e re që të votojë 'Zgjedhoren' se ata i futën në Kuvend!
9 Qershor 2020, 18:17 -
Marrëveshja për 'Zgjedhoren'/ Gjoni: Anti- shqiptare, vota ime kundër! Opozita e re do presë penalltinë e Lulit e topin do ia gjuajmë në fytyrë Ramës e Bashës
7 Qershor 2020, 10:56
