Presidenti i SHBA, Joe Biden ka nxjerrë një urdhër të ri ekzekutiv që përfshin edhe Shqipërinë, urdhër në të cilin parashikon bllokim prone dhe ndalim të hyrjes në SHBA të personave që kontribuojnë në destabilizimin e Ballkanit Perëndimor. Në letrën e tij, drejtuar Kongresit dhe Senatit, presidenti Biden informon se këta persona që konsiderohen si një kërcënim për sigurinë kombëtare dhe politikën e jashtme të Shteteve të Bashkuara, do ju sekuestrohet prona dhe ndalohet hyrja në SHBA.
E nderuara Kryetare:
Në zbatim të aktit Ndërkombëtar të Fuqive Ekonomike të Emergjencave, raportoj se kam lëshuar një urdhër ekzekutiv për të zgjeruar fushën e emergjencave kombëtare të deklaruar në Urdhrin Ekzekutiv 13219, të 26 Qershorit 2001, për “Bllokimin e pronës të personave që kërcënojnë përpjekjet ndërkombëtare të stabilizimit në Ballkanin Perëndimor”, ndryshuar me urdhrin ekzekutiv 13304, të 28 majit 2003, (Përfundimi i Emergjencave në lidhje me Jugosllavinë dhe Modifikimi i Urdhrit Ekzekutiv 13219 të 26 Qershorit 2001), duke konstatuar se situata në territorin e ish-Republikës Federale Socialiste të Jugosllavisë dhe Republikës së Shqipërisë (Ballkani Perëndimor), gjatë dy dekadave të fundit, përfshirë minimin e marrëveshjeve dhe institucioneve të pasluftës pas prishjes së ish-Republikës Federale Socialiste të Jugosllavisë, si dhe korrupsioni i përhapur brenda qeverive dhe institucioneve të ndryshme në Ballkanin Perëndimor, pengon progresin drejt qeverisjes efektive dhe demokratike dhe integrimin e plotë në institucionet transatlantike, dhe në këtë mënyrë përbën një kërcënim të pazakontë dhe të jashtëzakonshëm për sigurinë kombëtare dhe politikën e jashtme të Shteteve të Bashkuara.
Urdhri zgjeron fushën gjeografike të regjimit ekzistues të sanksioneve, përfshirë Shqipërinë, dhe rrit kriteret e përcaktimit për kërcënimet aktuale ndaj sigurisë kombëtare të Shteteve të Bashkuara dhe interesave të politikës së jashtme në rajon, duke përfshirë pengimin e proceseve demokratike dhe gjyqësore, korrupsionin dhe krimin e organizuar.
Veprimet që minojnë marrëveshjet dhe institucionet e pasluftës pas prishjes së ish-Republikës Federale Socialiste të Jugosllavisë, si dhe korrupsioni i përhapur brenda qeverive dhe institucioneve të ndryshme në Ballkanin Perëndimor, pengojnë progresin drejt një qeverisje efektive dhe demokratike dhe integrimin e plotë në institucionet transatlantike, dhe në këtë mënyrë përbën një kërcënim të pazakontë dhe të jashtëzakonshëm për sigurinë kombëtare dhe politikën e jashtme të Shteteve të Bashkuara.
Prandaj, kam përcaktuar se është e nevojshme të bllokohet prona e çdo personi që përcaktohet nga Sekretari i Thesarit, në konsultim me Sekretarin e Shtetit, se minon proceset demokratike ose institucionet, minon çdo siguri rajonale, paqen, bashkëpunimin ose marrëveshjen e njohjes reciproke, përfshirë abuzime serioze të të drejtave të njeriut, ose përfshirë drejtpërdrejt apo indirekt në korrupsion në lidhje me Ballkanin Perëndimor.
Të gjithë departamentet dhe agjencitë ekzekutive janë të drejtuar të marrin të gjitha masat e duhura brenda autoritetit të tyre për të zbatuar dispozitat e urdhrit.
Komente
Lajme të tjera
-
Nga minierat, paratë tek qendrat sportive, pasuria e Aqif Rakipit që u shpall ‘non grata’, Ylli Ndroqi 27 pasuri të paluajtshme dhe 5 makina
11 Prill 2022, 17:55
-
“Lista e zezë” e Amerikës, paralajmërohet edhe përfshirja e politikanëve kosovarë
7 Janar 2022, 09:14 -
SHBA: Berisha si Ortega! Edhe Presidenti i Nikaragua shpallet 'non grata' bashkë me familjen
17 Nëntor 2021, 11:34 -
Ylli Pata: Përqafimi i kauzës anti-LGBT nga Berisha, si axhendë të luftës së tij me Perëndimin
29 Tetor 2021, 17:10
-
Berisha i cilësoi shpifje dosjet për ‘Non Grata’, Kim e prerë: SHBA serioze në luftën me korrupsionin, me Shqipërinë edhe përtej 30 viteve të ardhshme
21 Shtator 2021, 22:46 -
Mero Baze: Makthi i Berishës nga një ndëshkim i ri amerikan
21 Shtator 2021, 19:21
-
Skënder Minxhozi: Tapa e shishes që të gjithë kanë frikë ta heqin
9 Shtator 2021, 11:01
-
Kandidati i Vetëvendosjes për asamblist, në listën e zezë të SHBA
7 Shtator 2021, 19:21 -
Mero Baze: Afganët si shpjegues të fatkeqësisë opozitare
20 Gusht 2021, 20:22
-
Lista e zezë/ Elvis Naçit i ndalohet hyrja në Amerikë?
26 Korrik 2021, 09:42
-
Ylli Pata: Spastrimi anti-amerikan i PD-së, largohen ata që takuan zyrtarin e lartë të DASH
19 Korrik 2021, 10:56
-
Berisha më shumë duhet të shqetësohet nga Basha sesa SHBA?!
1 Korrik 2021, 17:25
Tu konfiskohen pasuritë jo vetëm në shba por,në të gjitha parajsat fiskale të politikanve të korruptuar shqiptar.
PërgjigjuPo'
Përgjigju