PESHKOPI- Një ngjarje e  rëndë ka ndodhur mbrëmjen e kësaj të marte ku një fëmijë 5 vjeç është përplasur për vdekje me makinë nga vëllai i tij. Ngjarja e rëndë ka ndodhur në Maqellarë të Dibrës.
 
Burime për Report Tv bëjnë me dije se përplasja ka ndodhur aksidentalisht nga i vëllai i 5-vjeçarit, i identifikuar nga policia si Etem Xholi.
 
Informacione nga policia mësojnë se 5-vjeçari ka qenë duke luajtur në oborrin e shtëpisë me një karrocë prej druri me guzhineta dhe në momentin kur vëllai i tij  E.Xh rreth 16 vjeç, ishte duke futur në oborrin e shtëpisë automjetin tip Toyota në pronësi të të atit,  fëmija 5 vjeçar ka rrëshqitur dhe është përplasur në gomën e pasme të automjetit, ku për pasojë ka gjetur vdekjen rrugës për në spital.

Redaksia Online
XH.K/Shqiptarja.com