LEZHË- Nis sot zbatimi i Marrëveshjes Shqipëri - Itali, firmosur në nëntorin të vitit të shkuar mes kryeministrit Edi Rama dhe kryeministres italiane Giorgia Meloni për strehimin e emigrantëve që do të shpëtohen në det.
Anija ushtarake italiane me refugjatët e parë e cila u nis të hënën e 14 tetorit nga ishulli i Lampeduzës në Itali mbërriti mëngjesin e sotëm, rreth 08:00 në portin e Shëngjinit.
Një sërë efektivësh të policisë italiane shoqëruan gjatë gjithë kohës anijen dhe kur anija hyri në ujrat shqiptare u shoqërua nga policia kufitare' raportoi gazetari i Report Tv dhe Shqiptarja.com Elvis Hila nga porti i Shëngjinit.
Pas mbërritjes, anija "Libra" u ankorua në port për të kryer procedurat. Policia e Lezhës duke konfirmuar ankorimin informoi se janë marrë të gjitha masat e sigurisë dhe ato të zbatimit të procedurave të përshpejtuara kufitare.
"Në portin e Shëngjinit u ankorua anija “Libra” e marinës italiane, me 16 emigrantë në bord, të cilët pas procedurave të verifikimit do të akomodohen në kampin e ngritur në Gjadër, Lezhë. Policia e Shtetit ka marrë të gjitha masat për sigurinë dhe për zbatimin e procedurave të përshpejtuara kufitare" informoi sot policia.
Emigrantët e parë në Lezhë
Kontigjenti i parë i emigrantëve që Italia nisi drejt Shëngjinit, është i përbërë nga 16 persona. Janë të gjithë meshkuj me origjinë nga Egjipti dhe Bangladeshi të cilët u shpëtuan në det të dielën (13 tetor) . Pak metra larg kalatës ku është ankoruar anija ushtarake italiane ndodhet qendra e parë, ku emigrantët do të ndalojnë për të paktën disa orë në pritje të procedurave burokratike. Aty ata fillimisht do të mund të bëjnë dush, të ndërrohen me veshjet e reja që do t’u ofrohen si dhe të ushqehen. Më pas do të kalojnë procesin e identifikimit. Më pas do të transportohen drejt Gjadrit, i cili është funksional që prej javës së shkuar. Në qendrën e Gjadrit është ngritur edhe një paraburgim dhe është caktuar kontigjent oficerësh dhe policësh italianë për ruajtjen, kujdesin dhe procedurat.
Të hënën e 14 tetorit 2024, anija ‘Libra’ e Marinës Ushtarake italiane u nis nga Lampeduza drejt Shqipërisë për të sjellë grupin e parë të emigrantëve në kampin e emigrantëve në Gjadër. Ata u shpëtuan në det të dielën e 13 tetorit. Fillimisht në bord u krye një kontroll fillestar i emigrantëve për të verifikuar nëse ata plotësojnë kërkesat e përcaktuara në protokoll: të jenë me origjinë nga vende të sigurta dhe burra. Gratë, të miturit, personat e torturuar dhe të sëmurët dërgohen në Lampeduza dhe aty presin që kërkesa e tyre për azil të shqyrtohet nga komisionet territoriale.
Reagimi i BE-se
Ky i sotmi ështe operacioni i parë dhe pritet të vijojë me grupet e tjera. Kapaciteti për momentin është 400 persona dhe deri tani ka përfunduar 70% e strukturave pritëse dhe akomoduese, përfshi edhe logjistikën e nevojshme. Kampi është ndarë në disa seksione të veçanta, ku përfshihet edhe izolimi për personat që kryejnë krime apo seksioni i trajtimit procedurial para se të jepet apo refuzohet azili. Nëse refuzohet, emigrantët riatdhesohen në vendet e tyre.
"Reuters" e cilëson marrëveshjen për emigrantët si kontroverse, por thekson se është e parë dhe e vetmja midis një vendi anëtar të BE dhe një vendi të paanëtarësuar në union.
Kjo marrëveshje është vlerësuar edhe nga ndërkombëtarët, si kryekomisionerja e KE, Ursula von der Leyen, e cila theksoi se marrëveshja Rama-Meloni për emigrantët Itali-Shqipëri, mund të merret shembull edhe nga BE-ja.
Anija ‘Libra’ që solli emigrantët e parë në portin e Shëngjinit është larguar për në brigjet italiane. Report Tv sjell pamjet nga momenti kur anija lë portin e Shëngjinit.
Sot nisi zbatimi i marrëveshjes Itali-Shqipëri, ku 16 emigrantët e parë nga Bangladeshi dhe Egjipti u sollën në qendrën pritëse në Shëngjin. Pas verifikimit dhe kontrolleve, emigrantët do të vendosen në kampin në Gjadër deri në shqyrtimin e kërkesës së tyre për azil.
Një grup aktivistësh kanë zhvilluar një protestë në Shëngjin, ndërsa sot nisi zbatimi i marrëveshjes Itali-Shqipëri për emigrantët. Aktivistët u shfaqën me një banderolë me foton e kryeministrit Edi Rama dhe homologes italiane, Giorgia Meloni.
Një prej aktivisteve duke folur për Report Tv shpjegoi edhe domethënien e kësaj banderole, duke thënë se kampi është si burg për emigrantët.
“Nga ana tjetër edhe ëndrra evropiane drejt së cilës këta emigrantë po shkojnë po shuhet. Emigrantët po priten nga dy gardianët e burgut, Rama dhe Meloni, kjo është ajo që Rama dhe Meloni kanë ngritur një burg për emigrantët. Ata po sillen në një burg. Sipas ligji europian emigrantët që vijnë në burgje dhe kërkojnë të drejtën për azil nuk mund të mbahen të burgosur, deri kur t’iu verifikohet identiteti. Do mbahen në burg në Gjadër gjatë gjithë këtij procesi”, tha ajo për Report Tv.
Foto nga protesta në Shëngjin
Pak pasi anija italiane ‘Libra’ zbarkoi në portin e Shëngjinit dhe u përpunua me procedura të përshpejtuara kufitare pas ankorimit, 16 emigrantët në bord kanë zbritur në tokën shqiptare.
Gazetari i Report TV, Elvis Hila, raporton se refugjatët zbritën në portin e Shëngjinit, ku po ju nënshtrohen procedurave të verifikimit dhe kontrollit në qendrën pritëse.
Më pas do të transferohen drejt kampit të Gjadrit për procese akomodimi, përpunimi, verifikimi dhe izolimi apo riatdhesimi.
Anija ushtarake italiane me refugjatët e parë e cila u nis të hënën e 14 tetorit nga ishulli i Lampeduzës në Itali mbërriti mëngjesin e sotëm, rreth 08:00 në portin e Shëngjinit.
Një sërë efektivësh të policisë italiane shoqëruan gjatë gjithë kohës anijen dhe kur anija hyri në ujrat shqiptare u shoqërua nga policia kufitare' raportoi gazetari i Report Tv dhe Shqiptarja.com Elvis Hila nga porti i Shëngjinit.Report Tv në Shëngjin aty ku erdhën emigrantët
Mbërritja e anijes 'Libra', sot në portin e Shëngjinit
Edhe Policia e Shtetit ka reaguar menjëherë pas mbërritjes dhe ankorimit të anijes italiane "Libra" në Portin e Shëngjinit sot (16 Tetor), në bordin e të cilës gjenden 16 emigrantët e parë nga marrëveshja Shqipëri-Itali, mes kryeministrave Rama-Meloni.
Policia e Lezhës konfirmon se janë marrë të gjitha masat për sigurinë dhe "zbatimin e procedurave të përshpejtuara kufitare".
Emigrantët pas procedurave paraprake dhe kontrollit, do të dërgohen në kampin e ngritur në Gjadër.
"Në portin e Shëngjinit u ankorua anija “Libra” e marinës italiane, me 16 emigrantë në bord, të cilët pas procedurave të verifikimit do të akomodohen në kampin e ngritur në Gjadër, Lezhë. Policia e Shtetit ka marrë të gjitha masat për sigurinë dhe për zbatimin e procedurave të përshpejtuara kufitare", thuhet në njoftimin zyrtar.
Policia e Lezhës e caktuar me shërbim për ndjekjen e procedurave të përshpejtuara
Komente
Lajme të tjera
-
Ilir Yzeiri: Merita që duhet t’i njohim Edi Ramës
16 Tetor, 11:07
-
Raporti i EUROSTAT/ “46% e popullsisë në rrezik varfërie!”, Basha: Realitet tronditës! Të lëmë pas gjëmat e qeverisë Rama
16 Tetor, 09:37 -
Çelja e negociatave për grup-kapitullin e parë, Rama: Krenari, i bindur se Shqipëria 2030 do të ngrejë flamurin e Skënderbeut e të Ismail Qemalit në Bruksel
16 Tetor, 08:16 -
Artur Ajazi: Edi Rama dhe BE-ja
15 Tetor, 23:00
-
'BE, e vetmja zgjedhje e shqiptarëve', deklaratat e Ramës jehonë në mediat gjermane
15 Tetor, 18:02 -
Shqipëria hap negociatat për grup-kapitullin e parë, Rama mesazh opozitës: Do t’ua ndriçojë fillin e arsyes atyre që ngritën akuza kundër Komisionit Antikorrupsion
15 Tetor, 17:05 -
Rama nga Luksemburgu: Lidhjen e vetme çift Shqipëria e ka me BE, gjithë të tjerat na janë imponuar
15 Tetor, 16:58 -
Nesër pritet të mbërrijë anija e parë me emigrantë, banorët e Shëngjinit: Marrëveshja ndihmë ndaj Italisë
15 Tetor, 16:27
-
Aksidentohet motori me barrierat në Lezhë-Mamurras! Drejtuesi e vodhi atë në sy të pronarit dhe u largua me shpejtësi, pas përplasjes largohet nga vendngjarja
15 Tetor, 15:57
-
Humbi shikimin kur ishte 5 vjeç, e vogla ka nevojë për ndihmë! Nëna: S’kam lekë për operim
15 Tetor, 15:34
-
Marrëveshja për emigrantët/ Meloni në Senat: Protokolli i Shqipërisë i zbatueshëm me shtetet e tjera! Fryma evropiane që duhet ndjekur, falenderoj Ramën
15 Tetor, 14:10 -
Shqipëri-BE hapet grup-kapitulli i parë! KONFERENCA E PLOTË e kryeministrit Edi Rama, ministrit hungarez Szijjártó dhe komisionerit Varhelyi
15 Tetor, 12:45
Çfarë doni, ti presim me lule, tu themi mirëseardhët! Ata janë të panjohur, nuk dihet janë ashtu si thuhet emigrant apo hajdut, dembel e kriminel. A keni parë ç'ndodh në gjermani? Disa prej tyre sulmojnë femrat, disa në emër të allahut sulmojnë me thika e bomba. Të punojë evropa për ta, se duan asistencë dhe nuk punojnë. Masat e izolimit janë të sakta, të verifikohen dhe të procedohet sipas ligjit. Ne si vend i vogël dhe i pazhvilluar të jemi të kujdesshëm. Të meremi më shumë me hallet tona sesa me hallet e botës.
PërgjigjuViva DUCE.
PërgjigjuShtet bananesh, koloni e Melonit.
PërgjigjuA po ju duhet me hy si Irlanda apo si Bullgaria e Rumania? Nuk ma thotë mendja që si Irlanda por më shumë si Bullgaria e Rumania e nëse është ashtu shkoni në Gjermani dhe shihni lypsarë rumun në çdo semafor dhe punëtorë krahu bullgar në çdo fushë dhe pyesni a kan më shumë të drejta se Shqipëria sot!?
Përgjigju