/ATSH-Z.Tosku/- Ministria e Arsimit dhe Sportit publikoi listën e plotë të emrave të studentëve, që u janë përfunduar procedurat e njehsimit të diplomave deri në fund të muajit prill 2015.

Në total janë 329 studentë, diplomat e të cilave kanë përfunduar dhe janë në pritje të tërheqjes së certifikatës nga ana e studentëve.

Të interesuarit gjejnë listën e plotë të 329 emrave në ministri, diploma e të cilëve është njehsuar në Sektorin e Kërkimit Shkencor dhe Njohjes së Diplomave.

Nëpërmjet certifikatës së njehsimit, këtyre studentëve do t'u njihen studimet që ata kanë kryer jashtë vendit dhe mund të aplikojnë për punë në Shqipëri apo për një cikël tjetër studimesh.