Masat anti-COVID nuk ndalin infektimet në Greqi! 1,200 raste të reja vetëm mëngjesin e sotëm

Zgjatja e karantinës në Athinë të Greqisë duke sikur nuk po funksionon pasi numri i infektimeve me COVID-19 po rritet vazhdimisht. 

Ditën e djeshme është shënuar një rekord infektimesh, 2,147 raste, një shifër e cila ka pa u shënuar që prej 2 dhjetorit të vitit 2020.

Rekordi duket sikur po vazhdon pasi vetëm mëngjesin e sotëm, numri i infektimeve të raportuar nga COVID-19 është 1,200 duke ngritur alarmin në vendin fqinj.

Specialistët e sëmundjeve infektive në vend thanë se 2 ditët e fundit do të jenë ndikuese për vendimin në lidhje me lehtësimin e apo shtrëngimin e masave anti-COVID në zonat e kuqe në vend.

Sipas informacionit, specialistët e sëmundjes infektive do të shohin rrjedhën e pandemisë këtë javë dhe do të sugjerojnë një zgjatje të bllokimit për një javë.

Numri infektimeve nga COVID-19, ka shkuar 182,783, ndërkohë që ai i viktimave është 6,343 në të gjithë vendin që nga fillimi i pandemisë.

Vaksinimi në vend ka nisur më 28 dhjetor të viti 2020 dhe pavarësisht se procesi po vazhdon, numri i infektimeve nga COVID-19 nuk di të ndalet. 

J.GJ./Shqiptarja.com

TAG:
• greqia
• Koronavirus
• masat anticovid