Mashtroi duke bërë sondazhe për zgjedhjet e 25 prillit, OSBE: Na kanë vjedhur logon, ne nuk bëjmë anketa zgjedhore! Kemi denoncuar rastin

OSBE në Shqipëri ka denoncuar një rast, që bën sondazhe dhe anketa në lidhje me zgjedhjet parlamentare të 25 prillit duke u hequr si pjesë e OSBE dhe kopjuar logon e tyre. Në reagimin e saj, OSBE shkruan se një organizatë e vetëquajtur OKSE po zhvillon anketa dhe studime, duke pretenduar se e bën këtë për Organizatën për Siguri dhe Bashkëpunim në Evropë (OSBE), por kjo nuk është e vërtetë.

Prezenca e OSBE-së në Shqipëri sqaron se ajo nuk ka asnjë lidhje me OKSE-n dhe me asnjë anketues tjetër në Shqipëri, pasi OSBE është dhe nuk do të jetë e përfshirë në sondazhe zgjedhore duke u distancuar nga kjo organizatë dhe veprimet e saj. OSBE shkruan se për rastin ka vënë në dijeni edhe autoritetet përkatëse për të ndjekur të gjitha veprimet ligjore.

Njoftimi i plotë i OSBE në Shqipëri

Prezenca e OSBE-së në Shqipëri është vënë në dijeni se një organizatë e vetëquajtur OKSE po zhvillon anketa dhe studime, duke pretenduar se e bën këtë për Organizatën për Siguri dhe Bashkëpunim në Evropë (OSBE).

Prezenca e OSBE-së në Shqipëri dëshiron të sqarojë se ajo nuk ka asnjë lidhje me OKSE-n dhe me asnjë anketues tjetër në Shqipëri. OSBE-ja nuk është dhe nuk do të jetë e përfshirë në sondazhe zgjedhore, dhe ajo distancohet plotësisht nga kjo organizatë dhe veprimet e saj.

Ne kemi vënë në dijeni autoritetet përkatëse lidhur me çështjen dhe rezervojmë të drejtën të ndjekim veprime ligjore kundër përdorimit të paautorizuar të emrit apo logos së OSBE-së. Me këtë rast, informojmë se emri i OSBE-së, emblema e saj dhe logo të tjera, që janë pronë ekskluzive e OSBE-së, mbrohen nga Neni 6 i “Konventës së Parisit për mbrojtjen e pronësisë industriale” dhe nuk mund të kopjohen, të riprodhohen, të shfaqen apo të përdoren pa lejen paraprake me shkrim të OSBE-së.

I.K./Shqiptarja.com
  • Sondazhi i ditës:

    A e mbështesni vendimin e kryeministrit Rama për të përfshirë në listat e PS-së Luljeta Bozon dhe Najada Çomon?

Komento

Komente

  • Toni: 22/02/2021 19:28

    Ata të “byrektores” PD-iste janë me siguri! Përveç Fake News prodhojnë edhe Fake Sondazhe!

    Përgjigju
  • Osbe: 22/02/2021 19:10

    Rrnofte Nard Noka kryministri i ardhshem e tregon sindazhi i OSKE

    Përgjigju


×

Lajmi i fundit

John

Hysi dhe Bare u tërhoqën nga PS, reagon Braçe: Me fat që kam pasur një sup, ku të mbështetesha