TIRANE - Paktin për Universitetin, s'ka më kthim prapa! Kështu u shpreh ministrja e Arsimit Besa Shahini, teksa shtoi se bursat dhe tarifat e përgjysmuara vazhdojnë edhe vitin e ardhshëm akademik.
E pranishme në ceremoninë e prezantimit të 223 të punësuarve falë “Programit Kombëtar të Praktikave të Punës” Shahini në fjalën e saj përballë studentëve që në përfundim të praktikës u punësuan, nënvizoi vëmendjen e veçantë që MASR i kushton lehtësimit dhe mbështetjes në mënyrë të vazhdueshme për kalimin nga arsimi në tregun e punës.
"Programi Kombëtar i Praktikave të Punës mishëron më së miri vlerat dhe arritjen e këtij objektivi. Sot që flasim, jemi në vitin e 4-t të këtij programi, një vit edhe më i konsoliduar në të gjitha aspektet. Sot nis edhe rrugëtimi i punësimi i 223 praktikantëve në institucione të ndryshme qendrore, vendore dhe kompani private. Në periudhën Mars-Qershor 2019 janë zhvilluar 951 praktika pune 3-mujore, prej të cilave u kemi hapur rrugën e punësimit një-vjeçar më të mirëve falë performancës së tyre të lartë që kanë treguar", tha Shahini.
Duke u ndalur gjithashtu tek “Pakti për Universitetin”, Ministrja Shahini theksoi vëmendjen maksimale të qeverisë shqiptare ndaj studentëve dhe përmirësimit të arsimit të lartë.
"Pakti për Universitetin është fillimi i punës tonë qe kemi nisur. Kemi vendosur të shtojmë buxhetin - jo vetëm për këtë vit, por edhe për vitet në vijim për të investuar në kampuset universitare apo çdo gjë tjetër që kanë nevojë studentët. Këtë vit, shtesa në buxhet kapi vlerën e mbi 2.3 miliard lekëve prej të cilës përfituan gati 90% e studentëve”, shtoi Ministrja Shahini.
Ministrja hodhi dritë edhe mbi lajmet që qarkulluan javën e fundit mbi ndërprerjen e dhënies së bursave dhe përgjysmimin të tarifave nga viti i ardhshëm akademik e që shkaktoi shqetësim në rrjetet sociale mes studentëve universitare.
“Kemi ndërtuar një pako financiare për të përgjysmuar tarifat dhe për të stimuluar me bursa studentët më të mirë dhe kategoritë që kanë më shumë nevojë për ndihmë nga shteti. Kjo do vijojë të zbatohet edhe për vitin tjeter akademik përkundër disa lajmeve nëpër portale që përhapin panik duke thënë se nuk do vijohet më me përgjysmimin e tarifave dhe shpërndarjen e bursave.
Kjo nuk është e vërtetë pasi politika që ndoqëm vitin e kaluar do vijojë në të njëjtën mënyrë edhe në vitin e ardhshëm akademik. Do të zbatohet edhe më mirë pasi kemi mësuar shumë gjatë procesit të zbatimit të politikës gjatë gjysmës se parë të këtij viti. Kemi patur probleme me segretaritë nëpër universitete për probleme banale që i hasim ndonjëherë dhe që shkaktonin vonesa por tashmë kemi mësuar se si të arrijmë deri tek studentet në kohën e duhur” sqaroi ministrja.
Teksa theksoi faktin se secili universitet duhet të marrë gjithashtu edhe pjesën e tij të përgjegjësisë për sa i përket rritjes së etikës dhe integritetit në fushën e kërkimit shkencor, Znj. Shahini nënvizoi edhe punë të tjera voluminoze në kuadër te "Paktit për Universitetin:
"Krijuam portalin e transparencës universitare. Biblioteka digjitale ka marrë jetë me akses në miliona artikuj shkencorë për studentët e akademikët, teksa jemi duke negociuar me kompaninë EBSCO për të krijuar mundësinë në akses tek literatura në gjuhën shqipe. Ndërkohë, karta e studentit, projektet për përmirësimin e kampuseve universitare, infrastruktura e konkvikteve etj., janë futur të gjitha në rrugën e duhur", shtoi në fund Ministrja e Arsimit, Sportit e Rinisë Besa Shahini.
Lajme të tjera
-
Ina Zhupa interpelancë me Ministren e Arsimit, i kërkon llogari për 'Paktin për Universitetin'! Kushi i tregon foton e filialit të Bujqësorit në Lushnjë: Ky ishte standardi juaj
21 Prill 2022, 13:00 -
Ish-ministrja e Arsimit Besa Shahini bëhet nënë për herë të parë
2 Prill 2022, 11:39 -
Lënë mësimin, studentët e Shkencave Sociale dalin në protestë: 'Pakti për Universitetin' nuk u realizua! Edhe te 'Shkencat e Natyrës' pati bojkotim të leksioneve
15 Mars 2022, 15:55
-
Ish-ministrja e Arsimit: Në Universitetet publike ka rektorë që kanë marrë titujt akademik me plagjiaturë, sëmundje që ka kalbur sistemin e arsimit të lartë
13 Shtator 2021, 16:41 -
Protestë kundër konferencës së kryetares së Gjykatës Speciale! Arrestohet kreu i PSD në Kosovë, fotot teksa prangoset në tokë i gjakosur! Lihet i lirë pas disa orësh
7 Shtator 2021, 11:28 -
FOTO/ I shtrirë në tokë i gjakosur, arrestohet kreu i PSD-së në Kosovë, bashkëshorti i ish ministres Besa Shahini
7 Shtator 2021, 11:19 -
U arrestua nga policia sepse shkroi mbi makinat e zyrtarëve 'zhvatës', lirohet nga qelia burri ish-ministres Besa Shahini
18 Korrik 2021, 08:05 -
Shkruan mbi makinat e zyrtarëve të qeverisë ‘Zhvatës’, 8 të arrestuar, mes tyre kreu i PSD Dardan Molliqaj, burri i ish-ministres Besa Shahini
16 Korrik 2021, 14:17 -
Besa Sahini kritikon Kurtin: E nisi mandatin si kryeministër duke bërë opozitë në Shqipëri! Lajmi më i mirë i zgjedhjeve, ndëshkimi që i dhanë votuesit LSI
27 Prill 2021, 15:06 -
Ish-ministrja e Arsimit Besa Shahini: Do të shkoj në Tiranë për të votuar PS, vazhdon të jetë opsioni më i mirë për Shqipërinë
23 Prill 2021, 12:25 -
Pakti për Universitetin/ Ina, studentja ekselente e cila u punësua nga platforma 'Punë të Mbarë'
17 Shkurt 2021, 14:01 -
Pamje me dron/ Si duket nga lart kantieri i konvikteve në Universitetin Bujqësor, do strehohen 2200 studentë (VIDEO)
27 Janar 2021, 08:03
