Mbillen bimë dekorative në Kodër Currila

/ATSH/ .-  Në kuadër të nismave të ndërmarra për të mbrojtur mjedisin, një grup të rinjsh mbollën bimë dekorative në mënyrë simbolike në ditën ndërkombëtare të luleve në Kodër Currila në Durrës.
Nisma, që u mbështet edhe nga ministri i Mjedisit, Lefter Koka, ka për qëllim krijimin e sa më shumë hapësirave të gjelbëra si dhe uljen e nivelit të ndotjes.
Ministri Koka tha se të gjithë  bashkë mund të kthejmë në funksion të komunitetit edhe terrene të vështira siç ka qenë dikur Kodër-Currila, një zonë problematike për shkak të erozionit.
Përdorimi i biçikletave në vend të makinave për të mbrojtur mjedisin, ishte mesazhi që përcollën dhjetëra të rinj. Nisma të ngjashme pritet të ndërmerren edhe në muajt në vazhdim, me qëllim shtimin e hapësirave të gjelbërave në të gjithë territorin e vendit.