POP 5

Lajmet më të lexuara të 5 minutave të fundit

Sport

Me dron mbi kokat e lojtarëve, Edy Reja stërvit për herë të parë Kombëtaren

Edy Reja ka stërvitur sot për herë të parë një pjesë të ekipit kombëtar për dy ndeshjet e radhës së kuqezinjve kundër Islandës dhe Moldavisë.

Me dron mbi kokat e lojtarëve, Edy Reja stërvit për herë të parë Kombëtaren

Edy Reja me futbollistet

Kombëtarja shqiptare e futbollit ka kryer sot stërvitjen e parë nën drejtimin e trajnerit të ri Edy Reja. Në Durrës, nën urdhërat e 73-vjeçarit italian kanë qenë 10 lojtarët paraprakë të cilët kanë mbyllur angazhimet me klubet e tyre dhe po stërviten për të qenë në formë. Ndërkohë që së bashku me ta janë edhe një numër prej 12 lojtarësh nga U-21.

Mediat kanë qenë prezente vetëm në 15 minutat e para të stërvitjes, kur  lojtarët bënin disa ushtrime me topin, dhe pikërisht për këtë gjë, ishin ndihmësit e Rejës që kërkonin më shumë shpejtësi në lëvizjen dhe pasimet e topit.

Gjatë stërvitjes ekipi ka qenë i ndarë në tre grupe të cilët kanë kryer ushtrime të ndryshme. Në mbikëqyerje të grupeve kanë qenë Hamdi Salihi, tashmë ndihmës-trajner në përfaqësuese, një tjetër nga Ervin Bulku, edhe ky po në të njëjtin pozicion, ndërsa grupi i tretë vëzhgohej nga Serxhio Porrini, ish-mbrojtësi i Juves, tashmë në stafin e Rejës.

E veçanta e kësaj stërvitje ishte se ajo është monitoruar nga një dron i cili kishte për qëllim për t’i ofruar pamjet në një moment tjetër trajnerit Edy Reja, për të bërë një analiz më të detajuar të lojtarëve.

Ndërkohë vetë trajneri gjatë stërvitjes i është drejtuar lojtarëve duke iu thënë: “Merrni kohë dhe bëjini ushtrimet sa më mirë”.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Durrës/ Aksident në hyrje të autostradës, vetura ‘Seat’ del me shpejtësi nga rruga dhe bie në kanalin e ujërave të zeza! Shpëtojnë 3 të rinjtë (VIDEO)

Durrës/ Aksident në hyrje të autostradës, vetura ‘Seat’ del me shpejtësi nga rruga dhe bie në kanalin e ujërave të zeza! Shpëtojnë 3 të rinjtë (VIDEO)

24 Nëntor, 22:29