TIRANË- Pas rreth një muaji luftë me COVID-in në spitalin Infektiv në Tiranë, artisja Justina Aliaj ka kaluar rrezikun më të madh. Tashmë gjendja e saj shëndetësore duket e mirë dhe për të këtë arsye ka gjetur forcën për të dhënë një mesazh shumë të fortë. "COVID-i nuk është shaka", shprehet Justina, prandaj lutet që të mbahet maska. Me maskën e oksigjenit, në një moment me zë si të mekur nga e qara, ajo thekson se "maska është jeta jonë".
Në videon e publikuar nga kryeministri Edi Rama, Aliaj rrëfen momentet e vështirë, ditët e gjata me temperaturë 39 e gjysmë, orëve të tëra shtrirë në shtratin e spitalit, e për pasojë nuk i kursen falenderimet për të gjithë që u kujdesën për të, nga mjekët deri te sanitarët.
“Justina Aliaj jam! Sëmundjen që më zuri e kam përballuar jashtëzakonisht vështirë. E përjetova keq, pasi nuk e dija se çfarë ishte kjo diagnozë. Kështu rrodhën ditët, me temperaturë 39 e gjysmë dhe filloi mjekimi intensiv, kisha një kronikë shumë të rënduar. Kjo zgjati ditë e ditë, shtrirë në shtrat sepse nuk isha në gjendje. Kisha këputje të jashtëzakonshme, përjetime të jashtëzakonshme, muskujt sikur ishin shkëputur nga kockat. E vetmja shpresë ishte që më mbajtën gjallë doktorët. I kam në shpirt dhe do i mbajë deri sa të jetojë. Nuk harroj ca më kanë thënë. Më thanë se ‘ti do të dalësh që këtu e shëndosh’. Siç ishte doktor Kalo, që më dha garanci, apo doktoreshë Nevila apo kryeinfermierja. Dhe kam shpëtimtaren time, profesoreshën Najada Çomo. Ajo më fali një jetë të dytë. Këta doktorë e kanë bërë prej vërteti detyrën, i lumtë shpirti. Kaq bukur kanë punuar. Unë nuk mund të lë pa përmendur dhe prapavijën, infermierë e sanitarë. Ju falënderoj me dorë në zemër për atë gatishmëri dhe fjalë të ëmbël, që më shpëtuat, për prapavijën. Kam vetëm një apel për të gjithë popullin shqiptar, ata e dinë, e shohin, e kanë parë, shpresoj që nuk do e kalojnë këtë mënxyrë, që na ka pllakosur në derë, ju lutem 1 mijë herë: Mos i hiqni maskat, maska sot është jeta juaj, mos provoni atë që provuam ne, ju mjafton eksperienca jonë”, -tha Justina Aliaj.
Justina Aliaj rezultoi pozitiv me COVID më 12 nëntor. Kanë qenë miqtë që bën të ditur lajmin, teksa u lutën për shëndetin e saj.
Komente
Lajme të tjera
-
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06
Shyqyr,lajm i mire per artisten Justina Aliaj.
Përgjigju