Të gjitha institucionet e pavarura të drejtësisë në Shqipëri, duke filluar nga Gjykata e Lartë, ajo Kushtetuese, SPAK, ILD, etj nuk i janë përgjigjur pozitivisht ftesës së bërë nga Komisioni “Për Thellimin e Reformave për Mirëqeverisjen, Sundimin e Ligjit, dhe Antikorrupsionin për Shqipërinë 2030 në Bashkimin Evropian” drejtuar nga Fatmir Xhafaj.
Komisioni, i cili shikohet si një përpjekje për një thellim të Reformës në Drejtësi, ka marrë muaj më parë mbështetjen e SHBA dhe Bashkimit Evropian të cilët u angazhuan se do të marrin pjesë për të mbikëqyrur punën e tij duke pasur si prioritet mos prekjen e arritjeve të Reformës në Drejtësi.
Edhe pse ftesa në Komision për këto institucione nuk ka rol substancial por konsultues, refuzimi për të mos marr pjesë, është më i rëndësishëm se pjesëmarrja, pasi ato nuk kanë pse përfshihen në një proces politikbërje. Dhe kjo përbën lajm kur vjen fjala për Shqipërinë.
E sigurt është se SHBA dhe Bashkimi Evropian I kanë këshilluar ato të qëndrojnë larg këtij procesi të cilin do ta mbikqyrin vet ata. Por nga ana tjetër, ky zhvillim vjen në një kohë, kur parlamenti po zhytet në flak dhe opozita e Berishës po kërcënon luftë “për jetë e vdekje” kundër “drejtësisë së kapur nga Edi Rama”.
Tani se sa e kapur nga Edi Rama është drejtësia mjafton ky zhvillim, ku gjithë institucionet e pavarura të Drejtësisë, refuzojnë ftesën e qeverisë për t'iu bashkuar një Komisioni që synon të merret me thellimin dhe rregullimin e punës së institucioneve të drejtësisë. Pra, Edi Rama nuk ka fuqi as ti bind ata të marrin pjesë në Komisionin Xhafa, edhe pse me këtë Komision kanë shprehur gatishmëri për bashkëpunim SHBA dhe BE.
Tani opozita nga një anë gëzohet që këta po refuzojnë Edi Ramën dhe nga ana tjetër thotë këta janë ushtarë të Edi Ramës. Madje për këtë të dytën po përpiqen të ndezin zjarr parlamentin. Do të ishte më e udhës që opozita të ndjehej e mërzitur për këtë zhvillim, që së paku ti forcohej fabula që këto institucione janë kukulla të Edi Ramës. Se edhe rrebele ndaj Edi Ramës dhe ushtare të tij sikur nuk shkon.
Në fakt mërzinë më të madhe ata e kanë pikërisht pse kuptojnë se kush ndikon mbi drejtësinë e re , dhe është e qartë se për ta do ishte shumë herë më mirë që drejtësia të dëgjonte Edi Ramën se sa SHBA dhe BE. Por këtë hall nuk ua zgjidhim dot. Është koha që kur hedhin benzinë në Kuvend apo molotov në rrugë kundër “drejtësisë së Edi Ramës”, të kuptojnë se kundër kujt po i hedhin vërtet.
Lajme të tjera
-
‘Mbështesim SPAK’, Alibeaj: Këta duan që të minojnë punën e tij! Komisioni ‘Xhafaj’ synim për ta delegjitimuar
21 Dhjetor, 12:49 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
5 vite SPAK, Sula: Stekën e ka ngritur vetëm tek opozita, jo mazhoranca! Nesturi: Ata që flasin kundër, janë më të prekurit! Sefa: Ecuria duhet të ishte më e shpejtë
19 Dhjetor, 21:58 -
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
SPAK 5 vjeç, Altin Dumani: Misioni vazhdon! (Fjala e plotë)
19 Dhjetor, 15:32
-
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
5 vite SPAK, SHBA: Pavarësia, vendimtare! Zgjasni mandatin për prokurorët! Dumani: Jemi kërcënuar ne dhe familjarët, s’ka të paprekshëm
19 Dhjetor, 07:22 -
Mero Baze: SPAK dhe si një radiografi e demokracisë në PD
18 Dhjetor, 22:31
-
Nesër 5-vjetori i SPAK/ Zv.ndihmës sekretar i SHBA për Ballkanin Perëndimor, Kasanof vjen në Tiranë
18 Dhjetor, 19:39 -
Në kërkim për 'Masakrën e Bradasheshit’ më 2018 me 3 të vrarë, GJKKO pezullon me 1 vit gjyqin ndaj Mikael Qosjas! Dyshohet se fshihet në Spanjë
18 Dhjetor, 13:58
