Sali Berisha kërkoi sot në kryesinë e PD, që opozita të mos fajësohet për humbjen në zgjedhje, duke përsëritur refrenin e tij se Edi Rama ka deformuar procesin zgjedhor. Duke folur nga shtëpia e tij për Kryesinë e fytyrëvrarë të PD mbledhur në SHQUP, duket se Berisha ishte më shumë i shqetësuar se si do justifikojë humbjen e radhës më 2025, se sa për ndonjë mekanizëm për fitoren e tyre.
Po kush e ka fajësuar opozitën për humbjet në zgjedhjet, përveç Berishës?
Në fushatën e tij trevjeçare për rikthimin në krye të PD, Sali Berisha ka pasur fjalë të parë dhe të fundit, faktin që opozita nga viti 2017 e më pas ka shitur rregullisht zgjedhjet përmes Lulzim Bashës. Madje e ka nisur akuzën duke përfshirë edhe zgjedhjet e vitit 2017, pas marrëveshjes Basha-Rama, të cilën në fakt e ka negociuar vet.
Ai ka akuzuar Lulzim Bashën se ka shitur zgjedhjet e vitit 2017, se ka djegur mandatet e vitit 2019, se ka bojkotuar zgjedhjet lokale të vitit 2019 dhe ka shitur zgjedhjet e vitit 2021. Madje për gjithë këto akuza të rënda ndaj Bashës, ai e linçoi atë dhe i rimori PD dhe në fund me një shkelje syri nga pushteti, dhe vulën e logon.
Askush tjetër nuk e ka linçuar opozitën, ose së paku këtë opozitë që është, sa Sali Berisha. Madje nën shembullin e tij edhe Ilir Meta ka linçuar atë copën e tij të opozitës duke fajësuar dhe ai ish- gruan e tij se i ka shitur partinë tek Edi Rama, bashkë me Lulzim Bashën.
Tani pasi e kanë sharë opozitën, pasi e kanë akuzuar si tradhtare dhe të shitur, kujtohen një moment që janë vet në krye të opozitës dhe do humbasin përsëri, dhe fillojnë e përgatisin skenën e justifikimit që nuk duhet fajësuar opozita.
Nuk e ka fajësuar njeri opozitën pse ka humbur përveç Berishës. Të tjerët që kanë fituar, kanë parë punët e tyre.
Madje Berisha është bërë qesharak, pasi zgjedhjet që i ka sharë si të shitura, i ka mbrojtur pasi janë kryer, se donte të mbronte Bashën, dhe vetëm kur ju prek interesi personal i ka sulmuar duke krijuar këtë psikozën e fajit të opozitës.
Tani ose duhet të pranojë që opozita nuk i ka shitur zgjedhjet siç akuzoi Bashën dhe t’i kërkojë falje atij, ose duhet të pranojë që kush humbet duhet të ikë. Dhe është radha e tij.
Lajme të tjera
-
Zgjedhjet 2025/ Berisha në arrest shtëpie mbledh kryesinë, Noka e Paloka në krye të fushatës! Caktohen 12 drejtuesit në qarqe: Këlliçi në Tiranë, Gaz Bardhi në Fier, spostohet Luan Baçi
4 Shtator, 18:37 -
SPAK hetim pasuror për fondacionin e Liri Berishës/ Idajet Beqiri: Vetëm në një mbrëmje mori 4 milion euro, ku shkuan këto para?
4 Shtator, 18:05 -
Në PD iu pret Albana...
3 Shtator, 21:45
-
Ylli Pata: SPAK dhe opozita, një marrëdhënie e komplikuar pa arsye
3 Shtator, 21:12
-
Facebook bllokon videon false të Ramës: E montuar me teknologjinë 'deep fake'
3 Shtator, 20:21 -
SPAK hetim të hollësishëm pasuror edhe për Fondacionin e Liri Berishës
3 Shtator, 19:47
-
Alibeaj drejt partisë së re të djathtë: Duhet të jetë e shkëputur nga PD e Berishës e të mbështesë SPAK! Basha s'e ka përqafuar
3 Shtator, 19:08 -
Mero Baze: S 'postimi trevjeçar i karrigeve në PD dhe fenomeni Gaz Bardhi
3 Shtator, 18:52
-
Kuvendi çeli sezonin e ri, gazetari Kikia: Ky sesion do të jetë ndryshe, opozita nuk vjen më në pushtet! Berisha dhe Meta ta mbyllin karrierën politike
3 Shtator, 16:02 -
Ose nuk dinë, ose janë shejtan-budallenj
3 Shtator, 14:58
-
Sali Baba majë kullës dhe 40 kandidatët që zihen poshtë
3 Shtator, 14:02
-
Aksioni opozitar, PD mbledh strukturat! Nesër takimi i Kryesisë, të premten Këshilli Kombëtar
3 Shtator, 11:56
