Meta i uron ditëlindjen zëvendësuesin e tij 'ideal': Meidani, shembull për respektimin e institucioneve

TIRANE - Sot është 75-vjetori i lindjes së ish-Presidentit të Republikës në vitet 1997-2002, Rexhep Meidanit, një personalitet i rëndësishëm i vendit tonë.

Në këtë 75-vjetor, kreu i shtetit Ilir Meta ka uruar ish-presidentin Meidanit, ku nuk kanë munguar edhe mesazhet politike. Meta ka folur me superlativa për figurën e Meidanit si president, sipas së cilit është "shembull për respektimin e institucioneve". Kujtojmë që më herët në një konferencë të jashtëzakonshme, Meta tha se ishte i gatshëm që të jepte dorëheqjen menjëherë, por me kushtin e vetëm që në vendin e tij të vijë Meidani.

Meta thekson se kontributet e tij si President kanë qenë të shumta, sic është Kushtetutë demokratike që votua në Referendum në vitin 98, që ndihmoi në demokratizimin e vendit për një dekadë. 

Meta shkruan: "Prof. Meidani për mua ka qenë gjithmonë një shembull i respektimit të institucioneve dhe parimeve demokratike, i mbrojtjes së interesit kombëtar dhe publik. Ndaj edhe njëherë po ndaj edhe me ju urimet e mia më të mira për Prof. Meidanin dhe familjen e tij në këtë ditë të gëzueshme."

Urimi i Metës:

Të dashur miq!
Ishte kënaqësi t'i uroja sot 75-vjetorin e lindjes Prof. Rexhep Meidanit, ish-President i Republikës në vitet 1997-2002, një personalitet i jashtëzakonshëm, jo vetëm i shkencës, por edhe i jetës publike në vend, i cili ka ofruar gjithmonë kontribute pozitive me shumë përgjegjshmëri dhe modesti.
Në veçanti do theksoja sot kontributet e tij si President që vendi të kishte një Kushtetutë demokratike si ajo që votua në Referendum në vitin 98, që ndihmoi në demokratizimin e vendit për një dekadë, si dhe angazhimin e tij të veçantë si President gjatë krizës së Kosovës dhe më pas për afirmimin e saj.
Prof. Meidani për mua ka qenë gjithmonë një shembull i respektimit të institucioneve dhe parimeve demokratike, i mbrojtjes së interesit kombëtar dhe publik.
Ndaj edhe njëherë po ndaj edhe me ju urimet e mia më të mira për Prof. Meidanin dhe familjen e tij në këtë ditë të gëzueshme.

Edhe deputeti i LSI, Luan Rama e ka uruar për 75-vjetorin e lindjes Meidanin.Ai thotë se ka  qenë student kur e ka takuar për herë të parë Profesor Meidanin, i cili në atë kohë ishte dekan i Fakultetit të Shkencave të Natyrës në Universitetin e Tiranës.Luan Rama: "Roli dhe kontributi si qytetar dhe intelektual i rendit të parë, si mësimdhënës, si pedagog, si dekan i fakultetit të shkancave të natyrës dhe si shkencëtar,, e bëjnë Profesor Rexhep Meidanin përherë një njeri të nderuar dhe të respektuar prej të gjithë shqiptarëve."

Urimi i Luan Ramës:

Një urim zemre për Profesor Rexhep Meidanin.

Sot Profesor Rexhep Meidani bën 75 vjet.

Ditëlindja e këtij burri fisnik, më jep mundësinë ta uroj me gjithë zemër: Gëzuar dhe jetë të gjatë, shëndet të mirë dhe më shumë forca dhe energji, për të vazhduar angazhimet dhe kontributet e vyera në të mirë të popullit dhe vendit tënd, të cilit i je dedikuar me patriotizëm dhe urtësi, me mënçuri dhe vendosmëri shembullore. Roli dhe kontributi si qytetar dhe intelektual i rendit të parë, si mësimdhënës, si pedagog, si dekan i fakultetit të shkancave të natyrës dhe si shkencëtar, por me të njejtën cilësi angazhimi dhe përgjegjshmërie të spikatur edhe si politikan deri në detyrën e lartë të Presidentit të Republikës, e bëjnë Profesor Rexhep Meidanin përherë një njeri të nderuar dhe të respektuar prej të gjithë shqiptarëve.

Unë kam qenë student kur e kam takuar për herë të parë Profesor Meidanin, i cili në atë kohë ishte dekan i fakultetit të shkancave të natyrës në Universitetin e Tiranës. Por, që prej asaj dite e në çdo ditë më pas, e kam konsideruar veten me fat që e kam njohur dhe që angazhimet politike në Partinë Socialiste dhe më pas në qeverisjen e vendit, më dhanë mundësinë ta njoh më nga afër dhe të punoj me të e të gjej në të gjithë angazhimet e tij, njeriun e thjeshtë, por edhe të mençur, politikanin e ndershëm, por edhe burrështetin dinjitoz e të vendosur, me veti e cilësi që e përveçojnë si një model ndershmërie dhe integriteti!

Kujtojmë që Meidani u diplomua në Fakulteti i Shkencave të Natyrës në degën fizikë, si dhe përfundoi me sukses studimet pasuniversitare në Universitetin e Kanës. Ai punoi fillimisht si pedagog, si shef katedre dhe më pas si dekan i FSHN. Gjatë kësaj periudhe zoti Meidani botoi një numër të madh studimesh, librash dhe artikujsh brenda e jashtë vendit. Zoti Meidani mban titullin shkencor “Profesor, Doktor”. Ai u bë president në vitin 2002, derisa u zevendesua nga pasardhesi i tij Alfred Moisiu.

/B.K./Shqiptarja.com

TAG:
• urim
• rexhep meidani
• presidenti meta
• 75 vjetori i lindjes
• kontribute pozitive