POP 5

Lajmet më të lexuara të 5 minutave të fundit

Kronikë

Ministrja Gjonaj në Strasburg: Institucionet e drejtësisë si KLGJ dhe KLP ngrihen në shtator

Ministrja e Drejtësisë, Etilda Gjonaj ka marrë vlerësime pozitive dhe mbështetje të plotë për zbatimin e Reformës në Drejtësi dhe forcimin e shtetit të së drejtës gjatë takimeve zyrtare që ka zhvilluar në Strasburg me zyrtarët e lartë të Këshillit të
Ministrja Gjonaj në Strasburg: Institucionet e drejtësisë si KLGJ dhe KLP ngrihen në shtator

Ministrja e Drejtësisë, Etilda Gjonaj dhe Sekretari i Përgjithshëm i KiE, Thorbjørn Jagland në Strasburg

Ministrja e Drejtësisë, Etilda Gjonaj ka marrë vlerësime pozitive dhe mbështetje të plotë për zbatimin e Reformës në Drejtësi dhe forcimin e shtetit të së drejtës gjatë takimeve zyrtare që ka zhvilluar në Strasburg me zyrtarët e lartë të Këshillit të Evropës. Ministrja Gjonaj është takuar me Sekretarin e Përgjithshëm të Këshillit të Europës, z.Thorbjørn Jagland. Impresionuese, e ka konsideruar Reformën në Drejtësi Jagland.

I kam ndjekur me vëmendje zhvillimet në Shqipëri dhe mund të them se reforma është impresionuese.

Sekretari i Përgjithshëm i KIE, Thorbjørn Jagland

Çështja e pronave, zbatimi i rekomandimeve të mekanizmave monitorues të Këshillit të Evropës dhe rezultatet e suksesshme të raportit të Greco për Shqipërinë, ishin çështjet kryesore që u diskutuan në takim. Pjesë e axhendës së vizitës së ministres Gjonaj ishte dhe takimi me Presidenten e sapozgjedhur të Asamblesë Parlamentare,  Liliane Maury Pasquier.

Presidentja ka përgëzuar ministren Gjonaj për punën e bërë deri tani me Reformën në Drejtësi. Ajo siguroi se do të raportojë mbi progreset e bëra dhe konfirmoi se në shtator do të vizitojnë Shqipërinë reporterët e Asamblesë Parlamentare për të raportuar mbi arritjet konkrete të Shqipërisë.

Në takimin me Presidentin e GJEDNJ, Guido Raimondi vlerësoi rëndësinë që ka Reforma në Drejtësi në rritjen e besimit të publikut ndaj sistemit gjyqësor. Në takim u theksua se Reforma në Drejtësi është thelbësore për zbatimin me efikasitet të Konventës Europiane të të Drejtave të Njeriut (KEDNJ) në sistemin gjyqësor kombëtar. Pjesë e diskutimeve ishin edhe çështjet që presin për t’u shqyrtuar në GJEDNJ si dhe angazhimi serioz i qeverisë shqiptare për ta bërë mekanizmin e kompensimit të pronave një mekanizem efektiv.

Ministrja Gjonaj e siguroi Presidentin për masat që qeveria ka ndërmarrë për ekzekutimin e vendimeve të GJEDNJ. Ministrja Gjonaj pati mundësinë të takonte edhe Presidentin e Komisionit të Venecias, z.Gianni Buquicchio, i cili e vlerësoi si të suksesshme Reformën në Drejtësi krahasuar edhe me vendet e tjera të rajonit, që aspirojnë të bëhen pjesë e familjes europiane.

Ai shprehu konsideratën e tij për mënyrën se si procesi po zhvillohet dhe tha se ishte shumë krenar për punën e mirë që është bërë së bashku me Komisionin e Venecias. Në të ardhmen pritet që Komisioni i Venecias të japë kontributin e tij në reformën zgjedhore. Ministrja Gjonaj i informoi gjerësisht zyrtarët e lartë të Këshillit të Europës me ecurinë e deritanishme të zbatimit të reformës. Ajo u shpreh se pas përfundimit të procesit të vettingut të kandidatëve, në muajin shtator parashikohet fillimi i ngritjes së institucioneve të reja.

Në takime u konfirmua fryma e mbështetjes për vijimin e zbatimit të Reformës në Drejtësi dhe një sërë reformash që qeveria ka ndërmarrë në luftën kundër korrupsionit, krimit të organizuar dhe forcimit të shtetit të së drejtës. Reforma e pronës ka qenë një tjetër çështje e rëndësishme e trajtuar në takimet zyrtare të Ministres Gjonaj në Këshillin e Europës. Ministrja Gjonaj është shprehur se qeveria ka marrë një sërë masash për këtë çështje duke e kthyer mekanizmin e kompensimit të pronave në një mekanizëm efektiv edhe nëpërmjet plotësimit të bazës ligjore të ligjt për trajtimin e pronë, në zbatim të vendimit të Gjykatës Kushtetuese dhe në përputhje me qëndrimin e Komisionit të Venecias.

Nga ana e tij Presidenti i GJEDNJ, Guido Raimondi vlerësoi mbështetjen e Shqipërisë në ratifikimin e Protokollit 16 të KEDNJ, protokoll i cili kontribuon në rritjen e bashkëpunimit midis GJEDNJ dhe gjykatave kombëtare. Hyrja e tij në fuqi në datën 1 gusht 2018 do ta sjellë vendimarrjen e Gjykatës së Strasburgut shumë më pranë sistemit gjyqësor dhe qytetarëve shqiptarë. Ministrja Gjonaj ka informuar gjithashtu bashkëbiseduesit edhe për ecurinë e procesit të emërimit të gjyqtarit të GJEDNJ nga Shqipëria.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Zylo: 08/07/2018 13:24

    REFORMAT BEHEN TE NJE ANESHME MENDONI TANI O POPULL SIKUR TAHIRI TE ISHTE NE BURG DHE XHAFAJ TE ISHTE DREJTOR DREJTORIJE TE PROPAGANDES PS

    Përgjigju
  • junxhin: 27/06/2018 21:39

    Reforma ka bere hapa te medha, imagjinoni sikur mos ta kishin penguar PD me shok si reforme sa shpejt do kishte ecur zbatimi.

    Përgjigju
  • Ilja: 27/06/2018 21:33

    Normal eshte nje reforme qe askush nga vendet e rajonit se ka bere.

    Përgjigju
  • Vula: 27/06/2018 21:33

    Hartimi dhe zbatimi i reformes ne drejtesi e ka futur shqiperine ne nje kapitull te ri ne syt e botes.

    Përgjigju
  • ari: 27/06/2018 21:29

    Sa mire te vjen kur jeton jashte dhe shikon vleresimet qe mer vendi jot per reformat qe kryen.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu