Fitorja me ‘poker’ golash ka risjellë shpresë te kombëtarja shqiptare pavarësisht se kundërshtari, Moldavi, ishte modest. Edhe pse shpresat për kualifikim janë shuar ajo që entuziazmon është loja dhe mesazhet që po transmeton kombëtarja shqiptare. Padyshim që merita më e madhe për këtë është e trajnerit Edy Reja, i cili më herët e ka thënë hapur së dëshiron të qëndrojë te kuqezinjtë përtej nëntorit, kohë kur përfundon kontrata.
“E kam thënë se më pëlqen ta vazhdoj punën me këtë skuadër. Për këtë çështje duhet të flasë edhe presidenti, por unë jam i lumtur nëse vazhdoj me Shqipërinë. Skuadra më jep stimuj, dua të vazhdoj këtë aventurë, sepse mendoj se jemi në rrugën e duhur,”-deklaroi Reja më 13 tetor para ndeshjes me Moldavinë.
E reja në këtë situatë është se edhe presidenti Duka pas ndeshjes me Moldavinë e ka thënë hapur se po punon që të zgjatet kontrata me Edy Reja-n. Sipas numrit 1 të federatës me italianin shumë shpejt do të diskutohet projekti i së ardhmes.
Atmosferën pozitive në kombëtare e tregon më së miri edhe kjo video e publikuar nga FSHF pas ndeshjes me Moldavinë.Në dhomat e zhveshjes trajneri Reja ka mbajtur një fjalim motivues.
“Pavarësisht se tifozat iu thërrasin emrin, jeni ju ata që e keni arritur të ndërtoni këtë grup kaq të mirë. Si ju këtu edhe stafi që punon mbas trajnerit. Ju përgëzoj dhe ju falenderoj të gjithëve. Merita është vetëm e juaja. Unë kam 35 vite që e bëj këtë punë, nuk kam nevojë të marr merita apo të më lavdërojë dikush.
Merita është gjithmonë e juaja sepse keni bërë një punë të shkëlqyer. Nëse do kishim fituar ndaj Turqisë, do shkonim në Europë. Duhet të kishim 4 pikë më shumë. 3 me Turqinë dhe 1 me Islandën. I kemi bërë të gjitha ndeshjet mjaft të mira, Turqisë i treguam se kush jemi, ndërsa Franca është Francë, nuk ka vend për diskutim. Kemi zemër,”-u shpreh Reja.
Ndeshjat e radhës së Shqipërisë janë me Francën më 14 nëntor, sfidë me të cilën do të inaugurohet edhe Arena Kombëtare, ndërsa tre ditë më pas eliminatoret do të mbyllen me ndeshjen kundër Andorës, po në Tiranë.
Lajme të tjera
-
'Shqiptarët i kam në zemër, por bëj tifo për Italinë', Edy Reja: Kujdes nga Bajrami, Sylvinho e gjeti tryezën e shtruar nga unë
12 Qershor, 11:50 -
Edy Reja pranë rikthimit në Serie A si trajner
21 Prill, 17:49 -
VIDEO/ 30 minuta lojë për Europianin U-21, pezullohet Mali i Zi - Shqipëri në Podgoricë! Riluhet më 2024
21 Nëntor 2023, 16:23 -
VIDEO/ Kombëtarja 'fal' Ishujt Faroe, vetëm 0-0 në 'Air Albania'! Tifozët spektakël në tribuna, Shqipëria e mbyll e para në grupin E
20 Nëntor 2023, 22:45 -
Europiani/ Hera e parë përmes një grupi “ferri”! Legjionarët që shkojnë për herë të dytë
18 Nëntor 2023, 16:11 -
Historia e pabesueshme e Jasir Asanit, FSHF-ja s'e kishte në optikë! Në Kombëtare e solli 'një mik' norvegjez i Zabaletës
18 Nëntor 2023, 11:26
-
Mediat e huaja jehonë suksesit të Kombëtares, Reuters: Mbetën të pamposhtur
18 Nëntor 2023, 10:47 -
Nga data e hedhjes së shortit, e deri te çmimet e biletave të Kombëtares për në Europian! Çfarë duhet të dini për 'Gjermani 2024'
18 Nëntor 2023, 10:26 -
VIDEO/ Shkuam, pamë dhe u kualifikuam! Shqipëria barazon 1-1 në Moldavi dhe pret zyrtarisht biletën për herë të dytë në një Europian
17 Nëntor 2023, 19:53 -
VIDEO/ “Kuqezinjtë s’do e kenë problem kualifikimin”, Telushi për Report TV: Kjo Kombëtare s’i trembet askujt
16 Nëntor 2023, 14:46 -
"Më këto ekipe fitorja është detyrim", Sokol Kushta para ndeshjes vendimtare të Kombëtares: Humbja është turp
16 Nëntor 2023, 13:16 -
Kombëtarja kualifikohet edhe me humbje, UEFA tregon si Shqipëria kalon në finalet e Euro 2024
15 Nëntor 2023, 13:04
