POP 5

Lajmet më të lexuara të 5 minutave të fundit

Sport

‘Luajmë për fitore’, trajneri i Kombëtares thumbon Grezdën para Islandës: Askush s’është i pazëvendësueshëm

Trajneri i Kombëtares Edy Reja në prag të takimit kundër Islandës shprehet se ekipi është gati dhe do të futet në fushë për fitore. Gjithashtu numri 1 i pankinës nuk kurseu thumbat për Eros Grezdës, ndërsa kapiteni Elseid Hysaj nënvizoi faktin se futbollistët janë gati.

Nesër në orën 15:00 në Rekjeavik do të startojë ndeshja eliminatore e Europianit të kombëtares shqiptare kundër Islandës. Në prag të këtij takimi të rëndësishëm, trajneri Edy Reja, i ka të qarta idetë për atë që ekipi do të synoj sapo të futet në fushë.

“Filozofia ime është që gjithmonë të luajmë për fitore. Elementi thelbësor është të dalim në fushë dhe të besojmë që do fitojmë. Islanda do rrezikojë me topat e gjatë që do të fusë ne zonë. Ne do të mundohemi të shfrytëzojmë hapësirat e krijuar dhe cilësitë e lojtarëve tanë.”

Më tej Reja ka preferuar të mos zbulojë asgjë përsa i përket formacionit, ndërsa pyetur për kundërshtarët trajneri ka deklaruar:

“Të gjithë grupin e Islandës e njoh mirë. Kanë një organizim të përkyer në të gjithë fushën. Gjithashtu Sigurdson është një lojtar shumë i mirë dhe kyç si në anën teknike ashtu edhe në atë fizike. Ne do të futemi në fushë për të bërë lojën tone sepse nëse i presim ata, do bëhen shumë të rrezikshëm.”

Në konferencën për shtyp para këtij takimi Reja nuk qëndroi pa thumbuar Eros Grzdën, futbollistin e Kombëtares që sipas FSHF-së u largua nga grumbullimi për arsye personale.

“Ai ka marrë një vendim të tillë dhe është përgjegjësi e tij. Kemi pasur pikëpamje të ndryshme. Është në planet tona dhe do të diskutojmë për të ardhmen, por diskutimi duhet të shtrihet në rang grupi. Janë të gjithë të vlefshëm, por askush nuk është i pazëvendësueshëm.”

Ndërkohë përkrahë trajnerit ishte edhe kapiteni Hysaj, i cili theksoi se kundër Islandës të gjithë futbollistët janë së bshku me objektiv të qartë. Kapiteni gjithashtu tha se Reja i ka dhënë kurajo ekipit dhe se me ardhjen e tij klima në skuadër është shumë e mirë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Sulmi seksual, Conor McGregor gjobitet nga gjykata me shumën e majme

Sulmi seksual, Conor McGregor gjobitet nga gjykata me shumën e majme

24 Nëntor, 22:28