Nesër nis muaji i shenjtë i Ramazanit, Basha e Kim urojnë besimtarët mysliman

Kreu i Partisë Demokratike, Lulzim Basha ka uruar besimtarët myslimanë për muajin e Ramazanit që fillon ditën e nesërme.

“Të dashur miq të besimit islam që nesër nisni agjërimin e muajit të shenjtë të Ramazanit, nga zemra ju uroj agjërim të lehtë dhe të pranuar!  Le të shërbejë ky muaj për të na udhëhequr në rrugën e drejtë dhe përmes sakrificës e lutjeve tona drejtuar Zotit, të ndërtojmë një jetë më të mirë për popullin tonë, me më shumë mundësi dhe gëzim për çdo familje shqiptare.  Agjërim të lehtë e të pranuar, dritë, shpresë dhe begati sjelltë ky muaj për ju, familjet tuaja dhe gjithë shqiptarët kudo që janë”, shkruan Basha.

Një urim e ka pasur edhe ambasadorja e SHBA-së në vendin tonë, Yuri Kim.

“Ne i shprehim urimet më të mira komunitetit Mysliman në Shqipëri për një Ramazan të bekuar dhe paqësor. Ndërsa fillon ky muaj i shenjtë, ne shpresojmë për përtëritje shpirtërore, dhembshuri dhe mirësi këtu dhe në të gjithë botën”, shkruan Kim.


Lajmi kryesor:

Nesër nis muaji i Ramazanit, Kryetar i Komunitetit Mysliman uron besimtarët: Qoftë ky muaji i faljes dhe i mëshirës! Uron dhe Kim e Basha


B.K./Shqiptarja.com
  • Sondazhi i ditës:

    Përplasja me Bashën, jeni pro apo kundër rikthimit të Sali Berishës në krye të PD-së?



×

Lajmi i fundit

John

Opinionisti Meçaj: Basha dhe Berisha janë të dy anti-Amerikanë