'Non grata' nga Llalla te Dako e Doshi, SHBA: Raste të tjera po vijnë! Luftën kundër korrupsionit e kemi prioritet

Pas ish-kryetarit të bashkisë së Durrësit Vangjush Dako, ish-kryeprokurorit Adriatik Llalla dhe deputetit Tom Doshi zyrtarë të tjerë të lartë shqiptarë pritet që të shpallen non grata nga Shtetet e Bashkuara të Amerikës. Ambasada e SHBA në Tiranë ka publikuar një mesazh të shkurtër, por të qartë në faqen zyrtare duke deklaruar se lufta kundër korrupsionit është prioritet i saj në Shqipëri.

Ambasada thotë se gjithsej janë 14 shqiptarë të shpallur 'non grata', por nuk i publikon emrat e tyre, ndërsa thekson se raste të tjera po vijnë. SHBA paralajmëron duke u shprehur se zyrtarët e tanishëm dhe të kaluar të korruptuar dhe anëtarët e familjeve të tyre rrezikojnë që të humbin privilegjin për të hyrë në SHBA në të ardhmen.

"Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë.

Këtë javë, ne do të shpjegojmë përcaktimet publike për korrupsion madhor sipas Nenit 7031(c) të legjislacionit të Shteteve të Bashkuara. Kur Shtetet e Bashkuara mësojnë se një zyrtar qeveritar i huaj është përfshirë në korrupsion madhor, Sekretari i Shtetit ka autoritetin të shpallë individët dhe anëtarët e familjes së tij/saj të afërt si të skualifikuar përgjithmonë për të hyrë në Shtetet e Bashkuara

Disa zyrtarë të korruptuar shqiptarë dhe anëtarët e familjeve të tyre janë skualifikuar përgjithmonë për të hyrë në SHBA. Është një ndëshkim i rëndë vetëm për zyrtarët më të korruptuar kudo në botë".

Por si e vendos SHBA-së rastin kur një zyrtar shpallet 'non grata'?

"1. Të kërkuarit, pranuarit apo dhënien e parave, dhuratave, apo përfitimeve të tjera personale në shkëmbim të favoreve, të ofruara për shkak të postit.

2. Përvetësimin e fondeve publike

3. Ndërhyrjen në procese gjyqësore, zgjedhore apo procese të tjera publike.

Sekretari i shtetit mund ta përcaktojë individin dhe anëtarët e familjes në mënyrë publike apo private. Sekretari i shtetit ka përcaktuar publikisht rreth 100 persona në të gjithë botën, 14 prej të cilëve janë shqiptarë. Raste të tjera po vijnë.

SHBA do t'iu hapin dyert zyrtarëve publikë me etikë, ndershmëri dhe përgjegjësi. Zyrtarët e tanishëm dhe të kaluar të korruptuar dhe anëtarët e familjeve të tyre rrezikojnë që të humbin privilegjin për të hyrë në SHBA në të ardhmen" mbyllet mesazhi i ambasadës së SHBA-së. 

SHBA është mbështetësja e fortë e zbatimit të reformës në drejtësi në Shqipëri.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • AlbenaArbena. Allisona.: 22/10/2019 16:30

    Nese nuk u ndalohet hyrja per ne europe nga Dash. Do te thote Qe dash eshte korrupsioni qe investon per qellimet eeeeee

    Përgjigju
  • Populli: 22/10/2019 12:58

    Po Gjon Gjoni kryehajduti i pronave pse nuk permendwt nga DASH?

    Përgjigju
  • olaola: 22/10/2019 11:07

    liste te zeze gjyqkaresh; 1. karstriot selita 2.artur malaj 3.donika prela 4. besim hajdarmataj qe paturpsisht kpk -ja e zhulit i ka konfirmuar !!!

    Përgjigju
  • Trala zura nje gale: 22/10/2019 10:41

    DASH ketyre personave qe i ka ne listen e tij te zeze te mos i lejoje te shkojne ne asnje shtet te botes sepse fare mire ata kerkojne strehim politik ne Rusi ku fare mire mund te perdoren nga KGB-ja si minues te aspirates amerikane dhe europiane qe Shqiperia e enderron prej dekadash.

    Përgjigju
  • YYY: 22/10/2019 09:52

    Vetting-un e vertete te politikes shqiptare mund e duhet ta beje DASH. Opinioni ketu e di, amerikanet dhe me mire se ne kush jane horrat qe e mbajne peng kete vend. Futini ne liste e bejini publik dhe ja u zgjidhe edhe problemi i fuksionimit te demokracise ne Shqiperi, derrmohet ndikimi i lindjes, prosperon e zhvillohet ky vend. Ne mirekuptojme edhe llogarite e SHBA, por po vonohen si shume.

    Përgjigju
  • Emigranti: 22/10/2019 09:36

    Po ketu a i pyeti njeri a duan te shkojne ne Amerike . Perse ju duhet visa kur mund te shkojne ne shtete te tjera.

    Përgjigju
    • Feliks: 22/10/2019 12:14

      Kjo duhet qe njerezit dhe politikanet ta dijne qe skeni ku shpetoni se kemi fakte per ju

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Kumbulla iku nga Roma se donte Europianin', agjenti i Marashit: Uli pagën, fiton formën me dy ndeshje

'Kumbulla iku nga Roma se donte Europianin', agjenti i Marashit: Uli pagën, fiton formën me dy ndeshje