Nga SHBA në Dortmund, tifozët kuqezi nuk ndalen për Shqipërinë: Mijëra kilometra, kombëtarja mbi të gjitha

Dy tifozë shqiptar kishin ardhur nga SHBA në Dortmund për të ndjekur kombëtaren shqiptare në sfidën ndaj Italisë, ku kuqezinjtë u mundën 2-1 në sfidën hapëse të Euro 2024.

Për gazetarin e Report Tv, Ernest Koçi ata shprehen se e kanë bërë këtë sakrificë për kombëtaren, ndërsa shpresojnë për një fitore ndaj Kroacisë në ndeshjen e dytë në Hamburg ditën e mërkurë.

'Jam mirditor nga Amerika. Kam ardhur me një mikun tim dhe ka dy ditë që jemi këtu po presim. Ndeshja ishte madhështore dje. Gjithë Shqipëria ishte këtu. Presioni i madh në futboll, pritshmëria ishte e madhe për të gjithë tifozët. I surprizuam italianët. Dhe u bllokuam komplet. Në vend të bllokoheshin italianët, u bllokuam ne. Ndeshja ishte e bukur. Pjesa e dytë e morëm veten. Mendoj se Sylvinho do bëj ndryshmet e duhura në ndeshjen e dytë, mund të surprizojmë.', shprehet njëri prej tyre.

LEXO EDHE:
Euro 2024/ Sllovenia barazon 0-0 me Anglinë, dy skuadrat kalojnë në 1/8! Danimarka dërgon Serbinë në shtëpi, 0-0 edhe në Munich

'Kur loz kombëtarja me thënë të drejtën, mundohemi të vijmë. Pavarësisht vështirëve punën familjes, kombëtarja mbi të gjitha. Ishte një gëzim i madh, dita e tretë këtu. Kuqezi Dortmundi kudo, prisnim fitore, por 2-1 mirë ishte, Italia është kampione bote. Po shijojmë hotelin, do rrimë 3 ditë dhe do nisemi në Hamburg të shikojmë ndeshjen me Kroacinë, ne shpresojmë tek fitorja. Por 2-1 dje mirë ishte, mirë nga e keqja.', thotë tifozi tjetër.

'Ndeshja me Kroacinë do jetë madhështore. Mendoj se 2-1 do dalim me Kroacinë, do i rrahim.' parashikon tifozi i parë.

Lajmi kryesor:

Minuta Zero/ Andrea Marko 'skanon' kuqezinjtë: Fitojmë me Kroacinë dhe kualifikohemi! Kishim tifozerinë më të shkëlqyer

G.K/SI.E./Shqiptarja.com

TAG:
• minuta zero
• Andrea Marko
• gjergji ndoci
• euro 2024
• Nedim Bajrami