POP 5

Lajmet më të lexuara të 5 minutave të fundit

Sociale

Nis fushata për mbrojtjen e gështenjës nga grerëza e zezë, Krifca: Metoda që po përdorim është certifikuar nga BE, siguron mirëmbajtjen pa përdorim kimikatesh

Në Malësinë e Madhe ka nisur fushata për mbrojtjen e gështenjës nga grerëza e zezë, një insekt ky që dëmton prodhimin. Mbrojtja e masivit me gështenja është e rëndësishme pasi 25 përqind e prodhimit shkon për eksport.

Në zonën e Reçit të Malësinë së Madhe ka nisur fushata për mbrojtjen e gështenjës nga grerëza e zezë, që është një ndër insektet më dëmprurëse në plantacionet e gështenjave.

Mirëmbajtja dhe ruajtja e gështenjës realizohet përmes një insekti të krijuar në kushte laboratorike, i cili përjashton përdorimin e pesticideve.

“Ne prodhojmë diku 5-6 mijë tonë gështenja në vit dhe janë rreth 2 500 hektarë të shpërndara në të gjithë Shqipërinë. 25 % e prodhimit të gështenjës në rang vendi shkon drejtë vendeve të Europës si eksport bujqësor. Kjo metodë që po përdorim për mbrojtjen e saj është certifikuar nga BE, siguron ruajtjen dhe mirëmbajtjen pa pasur nevojën e përdorimit të kimikateve duke garantuar cilësinë e këtij produkti shumë të kërkuar në tregun vendas dhe ndërkombëtar”, tha Frida Krifca, ministrja e Bujqësisë.

Kryetari i bashkisë së Malësisë së Madhe, Tonin Marinaj, tha se duhen burime njerëzore të specializuara për e insektit që lufton grerëzën në plantacionet e gështenjës.

"Kjo vlen dhe për bimët mecidinale apo kultura të tjera. Bashkia i ka në fokus këta sektorë dhe është duke bërë investimet përkatëse”, tha Tonin Marinaj.

Në zonën e Reçit kultura e gështenjës është 300-vjeçare dhe banorët e ka bazuar ekonominë familjare tek kultivimi dhe shitja e gështenjave. Pjesa më e madhe e prodhimit eksportohet në Itali, ku dhe përpunohet.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 04/06/2023 01:29

    Me kujtohet kur jetoja ne Shqiperi,geshtenjat dilnin shpesh te krimbura,nuk e di nese ky problem shkaktohet nga grereza e zeze,apo ndonje tjeter,por duhet t'i kontrolloje nje per nje,dicka e bezdiseshme.Ketu ku jetojme tani,geshtenjat shiten te papjekura vetem ne dimer,se te pjekura e te qeruara e te paketuara ne zarfe, gjen ne cdo kohe.Por ato qe i pjekim vete,shiten vetem ne dimer,afer festave dhe jane shume te shtrenjta,6-7$/lb,njerezit marrin nga pak s'a per t'u /lepire/si i thone fjales,pasi del me humbje te madhe per shkak te levozhges.Keto qe shiten ketu,vijne nga Italia,prandaj jane kaq te shtrenjta,pasi llogariten si/nut/ ekzotik,plus largesia.S.d.q.nuk dalin asnjehere te krimbura,por levozhga e tyre mban nje ere te lehte benzine/gazoline kur i pjek.Nuk e di nese kete e bejne per t'i mbrojtur nga insektet si kjo grereza,nga minjte kur i sjellin me anije,apo thjesht per t'ju zgjatur freskine/jetegjatesine.

    Përgjigju
  • ARBER: 03/06/2023 17:15

    Geshtenja, ky kultivar i rralle me vlera te medha per ekonomine tone eshte ne rrezik zhdukje… Duhen masa urgjente per ta shpetuar ate…Druaj qe Ministria e Bujqesise nuk eshte fare ne efiçence ne ket drejtim…Jane 2400 ha geshtenja ne shkalle vendi, thote. Vetem Tropoja ka masivin me te madh ne Ballkan me 2400 ha e mbi 300.000 rrenje…Pra as inventarin nuk e din??!

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça