Operacion antidrogë në Tiranë, 19 në pranga, 5 në kërkim! Mes tyre i akuzuari për vrasje në Greqi, njihej me 3 emra! Sekuestrohen 1.2 kg kokainë e qindra doza heroine (EMRAT)

Tirane- Forcat e Antidrogës së Tiranës ekzekutuan sot fazën e dytë të megaoperacionit të koduar “Tempulli 3’ duke arrestuar 19 person si dhe vijon puna për kapjen e 5 shtetasve të tjerë të cilët ndiqen me masa kërkimi.

Drejtori i policisë së Tiranës, Tonin Vocaj doli në një deklaratë për median për të bërë publike rezultatet e hetimit tre mujor kryer me metoda speciale falë të cilit është dokumentuar me prova ligjore veprimtaria kriminale e këtyre shtetasve që shpërndanin lëndë narkotike kanabis, heroinë dhe kokainë, në zona të ndryshme të Tiranës, afër shkollave, si dhe në lokale nate. 

Mes të arrestuarve është Armando Xheladini, alias Jetnor Cinallari, alias, Armando Tarushllari i arrestuar në maj të këtij viti për vrasje me dashje për një vrasje të ndodhur në Greqi. Ai u arrestua së bashku me Gëzim Latjen për vrasjen e 25-vjeçarit Arjan Xhambazi në Athinë në vitin 2008. Gazetari i Shqiptarja.com dhe Report Tv Sokol Dema siguroi foton e 52 vjeçarit banues në Tiranë i cili ndodhet prapa hekurave prej majit 2024. 

LEXO EDHE:
Tiranë, lëvizte me armë në makinë, në pranga 20-vjeçari (EMRI)

"Mbi bazën e provave të siguruara gjatë hetimit, u organizua dhe u finalizua faza e dytë e operacionit “Tempulli 3”, në kuadër të të cilit u ekzekutua masa e sigurisë “Arrest në burg”, të dhënë nga Gjykata e Shkallës së Parë e Juridiksionit të Përgjithshëm Tiranë për 19 shtetas, si dhe vijon puna për kapjen e 5 shtetasve të tjerë të cilët ndiqen me masa kërkimi.  Nga hetimet ka rezultuar se këta shtetas shpërndanin lëndë narkotike, afër shkollave, dhe në ambiente të tjera të frekuentuara nga të rinjtë, në zona të ndryshme të Tiranës.' tha sit Vocaj.

Gjatë operacionit janë sekuestruar 1.2 kg kokainë si dhe qindra doza heroinë e kanabis.

Gazetari i Shqiptarja.com dhe Report Tv, Sokol Dema zbardhi emrat e të arrestuarve, mes tyre janë dhe 2 vajza. Ndaj tyre Gjykata e Shkallës së Parë e Juridiksionit të Përgjithshëm Tiranë ka caktuar masën e sigurimit personal  “Arrest në burg”, për veprën penale “Prodhimi dhe shitja e narkotikëve”.

Ndërkohë policia ka publikuar pamjet e operacionit të arrestimit. 

Një pjesë e të arrestuarve, mund të kenë lidhje edhe me të tjerë, tashmë në pranga në kuadër të operacionit “Tempulli 1 dhe 2”, por që në këtë drejtim blutë po punojnë për dokumentimin e plotë të veprimtarisë kriminale. Nuk përjashtohet mundësia që të ketë edhe të tjerë të përfshirë. Celularët e sekuestruar gjatë aksionit policor pritet të hedhin dritë në të tjera detaje për policinë

Hetimet për dy procedimet e fazës së dytë të megaoperacionit “Tempulli 3” u kryen nga prokurorët e Tiranës, Drini Pali dhe Adriano Dyrmishi, ndërsa u drejtuan nga  kreu i Prokurorisë pranë Gjykatës së Shkallës së Parë të Juridiksionit të Përgjithshëm Tiranë Arens Cela.

TAG:
• armando xheladini
• Tirane
• jetnor cinellari
• Armando Tarushllari

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  69.8%

• Jo

  18.8%

• Ndoshta

  11.4%

Vota total: 1281

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta