Partia Demokratike ka mbajtur sot mbledhjen e Kryesisë, ku janë bërë publik emrat e përzgjedhur të drejtuesve politik për 12 qarqe të vendit për zgjedhjet e ardhshme.
Lidhur me këtë temë, u diskutua edhe në emisionin ‘Studio Live’ me gazetarin Arbër Hitaj, ku politikani Edvin Kulluri, u shpreh se ekipi është i njëjtë, dhe rezultati nuk pritet që të jetë ndryshe nga zgjedhjet e kaluara.
‘Është i njëjti ekip pune, të njëjtët njerëz, pse duhet që të ndryshojë rezultati këtë herë. Nëse dikush pret që Rama të qeverisë më mirë nuk mund të qeverisë më mirë se kaq. Ata thonë ky ishte më i forti dhe ne shkuam tek ky. Se kuptoj pse i thonë parti politike, ajo ka moton ‘lironi liderin e opozitës’. Nuk mund të jesh dhe kundërshtar i Ramës dhe pasdite të mblidhen poshtë ballkonit për të bërë revolucion. Çfarë regjimi do rrëzojnë këta? Këta janë bashkë’, tha ai.
Për juristin Skerdjan Dhuli, përveç dy qarqeve Vlorë dhe Gjirokastër, emrat për qarqet e tjerë kanë potencial për të qenë drejtues.
‘Dy qarqert e jugut Gjirokastra dhe Vlora janë pa shpjegim dhe emrat e tjerë i plotësojnë kriteret për të qenë drejtues qarqesh. Unë nuk i heq asnjë presje ato që kamë thënë për qarkun Gjirokastër dhe Vlorë, për qarqe të tjera ka potenciale të larta, si Elbasan, Shkodër, Lezhë. Nëse flasim për Vlorën do doja të mos ishte emri në fjalë”, tha ai.
I pyetur nëse do të krijohej një parti e re, a do të bëhej ai pjesë e asaj partie, Dhuli e mohoi këtë.
“Jo nuk e kam menduar sepse unë mendoj se të gjitha pakënaqësitë që kemi për PD duhet që të adresohen brenda partisë, jo duke i rënë shtëpisë me gur. Një parti e re mund të marr një numër x votash, por vetëm PD e rrëzon Ramën, çdo parti që heq vota nga PD i shërben Ramës”, tha ai.
Gazetari Flogert Muça, në një lidhje skype për emisionin ‘Studio Live’ me gazetarin Arbër Hitaj duke u ndalur tek imazhet e montuara nga PD përmes inteligjencës artificiale, të marra nga një film i vjetër i Hollyëodit ‘Njeriu me shenjë’ të cilave iu vendos një foto e Kryeministrit Rama.
Ai tha se Berisha e ka qëlim në vetvete shpifjen. Sipas tij, kreu i PD nuk ka fituar asnjë gjyq në rastet kur është akuzuar për shpifje.
“Doktori mesa duket i ka hipur në qejf kjo teknologjia, regjistron veten duke folur nga shtëpia dhe ka filluar që të bëjë edhe për kundërshtarin nga këto gjëra. Kanë marr një skemë filmi të Toni Monatanës dhe i kanë vënë fytyrën e Ramës dhe ajo është bërë virale, me sy të lirë nuk kuptohet nëse është montazh apo është e vërtetë. Dhe u bë report dhe u vërtetua se ishte prodhim i inteligjencës artificiale. Edhe pse lajmi doli fake doktori thoshte prap ja kush na qeverisë ne. Ata i mendojnë njerëzit të trashë dhe thonë të hedhim ca të mundemi, kjo tregton dëshpërim të madh të tyre. Ai e ka qëllim në vetvete shpifjen, por ka humbur gjyqe për shpifje dhe s’ka fituar asnjë gjyq deri tani”, tha ai.
Teksa komentoi fjalimin që mbajti kryetari i PD Sali Berisha nga ambientet e shtëpisë së tij për mbledhjen e Kryesisë ditën e sotme, tha se Berisha nuk ka më frymëzim.
Gazetari u shpreh se në PD diskutohet se çfarë argumenti do të përdoret pas zgjedhjeve dhe jo se si mund të fitohen ato.
“Doktori nuk ka më energji, nuk ka më frymëzim, ai po fliste sikur zgjidhjet kishin mbaruar dhe sikur Rama i vodhi dhe tani duhet bërë revolucion. Duke parë mesazhin e tij politik kupton që nuk ka fare debat a mund të fitojmë zgjedhjet, aty flitet kush do të jetë argumenti ynë pas zgjedhjeve. Primaret janë hiri që u hidhet syve budallenjve, që aty do të vendosin demokratët kush do të jetë kandidatë, Rama, Berisha dhe Meta janë ata që vendosin se kush do të jetë deputet dhe pikë. Shihni doktorin nuk përcjell më asnjë lloj energjie dhe asnjë entuziazëm. Më dhimbset dhe ata që janë fëmijët e tij nuk duhet që ta lejojnë më në television”, tha ai.
Lajme të tjera
-
'Uroj të mos përdoret për të kontestuar rezultatin!' Edvin Kulluri flet për zgjedhjet në Himarë: Votuesit me ID të skaduar, faj i opozitës
4 Gusht, 16:57 -
Akuzat ndaj kryeministrit Rama dhe familjarëve të tij, Kulluri për deklaratën e Ivi Kasos: PD ka hyrë në një cikël idiotësie dhe imoraliteti
2 Gusht, 17:54 -
'Lista të hapura vetëm për PS-në', Zaloshnja tregon mandatet e sigurta për dy partitë e mëdha: Në PD 'luftë' vetëm për 3 vende
28 Korrik, 07:48 -
PD e Himarës kundër kandidaturës së Petro Gjikurisë për zgjedhjet e 4 gushtit: U shpërfillëm! Nuk jemi informuar
11 Korrik, 20:07 -
Të hiqet ligji i luftës me Greqinë! Nisma e Idrizit të PDIU-së bën bashkë PD e PS! Pr/deklarata kalon në Kuvend javën tjetër
9 Korrik, 12:56 -
Korrupsioni, Tabaku: Nuk luftohet me ata që kanë qenë të përfshirë në afera korruptive
6 Korrik, 11:53 -
Basha mbledh Këshillin Kombëtar të demokratëve europianë, miratojnë Rezolutën: Hyjmë në zgjedhje me çdo kusht, rekurs për vulën
4 Korrik, 19:47 -
Hajdari kundër Berishës si kandidat për kryeministër, diskutimet në mbledhjen e Këshillit të PD! Noka: Takoni drejtuesit e degëve që ka mashtruar Basha
28 Qershor, 20:19 -
Basha humbi vulën e PD-së, Kulluri: Duhet të ishte më i vendosur! Fraksion tek Berisha nuk do kërkojmë, kemi vendosur fytyrën në betejë
26 Qershor, 19:03 -
Vula te Berisha ndan edhe më shumë demokratët! Propozimi i Kullurit: Duhet parti e re! Pa Bashën, me drejtim kolegjial
18 Qershor, 15:11 -
‘Kundërshtia ndaj një kryetari nuk mund të kthehet në kundërvënie ndaj PD’, Çollaku: Duhet të gjejmë mundësi bashkekzistence
17 Qershor, 11:34 -
Komisioni Antikorrupsion, PD: Kërcënim për SPAK, SHBA dhe BE konfirmuan se duhet mbështetur pa rezerva
1 Qershor, 19:50
