Me qindra besimtarë ortodoks kremtuan festën e shën Kozmait në Manastirin e Shën Kozmait në Kolkondas të Fierit. Pelegrinët ndezën qirinj mbrëmjen e së premtes në manastir duke i përcjellë lutje shenjtorit duke besuar në fuqinë mrekullibërëse. Një pjesë e madhe e besimtarëve kaluan natën në manastir.
“Vijmë me besim dhe shpresë dhe i lutemi zotit të na ndihmojë. Është një festë e bukur vijnë emigrantë nga jashtë dhe njerëz nga gjithë Shqipëria. Vijnë njerëz të sëmurë që kane gjetur shërim. Shën Kozmai është i bekuar nga Perëndia”, thanë besimtarët.
![]()
Festa e Shën Kozmait, shumë popullore në gjithë zonën e Myzeqesë, vazhdon edhe të shtunën e 24 gushtit, ditë që përkon me martirizimin e shenjtit Kozma të Etolit.
Historia dhe gojëdhënat e shumta tregojnë se shenjti Kozma u vra nga Kurt Pasha në 24 gusht 1779, në shenjë hakmarrjeje të miqësisë së tij me Ali Pashë Tepelenën, në fshatin Mujalli të Fierit, fshati ngjitur me manastirin e Shën Kozmait. Ndërsa trupi i tij u gjet po në 24 gusht në lumin Seman nga një prift i kishës së Shën Marisë . Trupi i tij u varros pranë kësaj kishe, ndërsa Ali Pashë Tepelena, në shenjë mirënjohjeje të thellë për shenjtin që i parashikonte fatin, financoi dhe urdhëroi ndërtimin e kishës se Shën Kozmait në vitin 1815.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Kozmai ishte spiun rus e punonte per helenizimin e tokave shqiptare. Ai eshte shenjt per Greqine por jo per Shqiperine.
Përgjigju