Në përfundim të mandatit të tij si President i Dhomës Amerikane të Tregtisë, Enio Jaço në fjalimin e tij të fundit ka bërë thirrje për progres të prekshëm në përmirësimin e Klimës së Investimeve. Jaço foli gjatë mbledhjes së Asamblesë së Përgjithshme të AmCham në praninë e 256 kompanive anëtare ku deklaroi se, duhet ende shumë punë që Shqipëria të bëhet ‘magneti i Ballkanit’ për investitorët e huaj. Ai u bëri thirrje bizneseve anëtare të përfshihen sa më shumë që zëri i tyre të dëgjohet ndërsa drejtuesve të AmCham të “zhvishen nga kostumi individual i korporatës” që përfaqësojnë dhe të mbrojnë të drejtat e gjithe komunitetit te biznesit.
“Rruga jonë nuk është pa sfida. Dikush një herë tha që nëse keni rritje 250% të Investimeve, çfarë doni më shumë? Përgjigja ime është ne nuk duam thjesht më shumë. Ne duam shumë më shumë. Ne vleresojmë se potenciali i Shqiperise është për të 5-fishuar investimet amerikane - për t’i bërë ato nga $220 milion në mbi $1 miliardë. Kjo do e krahasonte Shqipërinë me ato vendet që thithin më shumë investime në Ballkan. Por për të arritur këtë na duhet një klimë biznesi që mundëson konkurrencën e ndershme dhe lufton të pandershmen, me paketa ligjore që parandalojnë korrupsionin. Gjithashtu kërkojmë reformimin e prokurimeve publike në platforma reale dhe transparente ku investitorët e huaj të konkurrojnë lirshëm krahas bizneseve lokale, përcaktimin e incentivave dhe standartizimin e kritereve automatike për marrjen e lejeve të investimeve në mënyrë që Shqipëria të merret seriozisht nga investitorët e huaj”.
"Fakt është se bizneset në Shqipëri vijojnë të operojnë në labirinthe burokratike dhe praktika të vjetëruara. Dhe në një kohë kur progresi drejt integrimit duhet të jetë i shpejtë - Shqipëria nuk e ka luksin të ecë me “baby steps” - i duhet të bëjë hapa të mëdha në një kohë të shkurtër. Por reforma mund të arrihet vetëm me një bashkëpunim real mes sektorit privat dhe administratës publike", theksoi ai.
“Pavarësisht këtyre sfidave, ose ndoshta për shkak të tyre, tani më shumë se kurrë është e rëndësishme që të sigurojmë të ardhmen e tregtisë, bizneseve – hapjen drejt investimeve të reja dhe hapjen drejt investimeve të vërteta strategjike ku Dhoma Amerikane ka një rol të rëndësishëm për të luajtur” u shpreh Jaço.
Enio Jaço drejtoi Dhomën Amerikane për dy mandate. Jaço u shpreh optimist për trajektoren e AmCham dhe rrugën e Shqipërisë drejt BE. “Unë do të vazhdoj të bashkëpunoj me përkushtim për të ndihmuar në zhvillimin dhe rritjen e komunitetit te bizneseve. Besoj se ne kemi një të ardhme të ndritur përpara nesh, dhe jam i gatshëm të kontribuoj në mënyrë të vazhdueshme” tha Jaço në fund të fjalimit.
Lajme të tjera
-
Bilali kritika Enio Jaços: S'je objektiv në qëndrim, s'ka kompani amerikane që janë penguar të investojnë nga klima e biznesit në Shqipëri
29 Korrik 2023, 10:10 -
Kreu i Dhomës Amerikane të Tregtisë: Investimet amerikane në Shqipëri janë rritur me 250%! Kim: Reforma në drejtësi, bazë për rritjen investimeve
24 Prill 2023, 18:19 -
Presidenti i Dhomës Amerikane të Tregtisë: Shqipëria do ndjejë efektet e recesionit! Shigjetohet nga 4 kërcënime, si mund të përfitojë rritje ekonomike
3 Janar 2023, 14:53 -
Kreu i Dhomës Amerikane të Tregtisë: Biznesi në Shqipëri u godit nga 'stuhi të rënda'! Yuri Kim: Thelbësore heqja e ndikimit kriminal në ekonomi
17 Nëntor 2022, 18:00 -
Rreziqet kibernetike në Ballkanin Perëndimor, presidenti i Dhomës Amerikane në Shqipëri: Jo të gjitha teknologjitë që ekzistojnë në botë, janë të sigurta
18 Shtator 2022, 20:05 -
8 rekomandimet e Dhomës Amerikane për përmirësimin e klimës së biznesit, Jaço: Amnistia fiskale rrezik për pastrimin e parave! Drafti për taksat e reja kompleks, ka probleme
27 Qershor 2022, 10:50 -
Burgosja e Tahirit, kreu i Dhomës Amerikane të Tregtisë Jaço: Sinjal se drejtësia po zgjohet, lajm i mirë për bizneset
6 Shkurt 2022, 13:14 -
Presidenti i Dhomës Amerikane të Tregtisë, Enio Jaço: Ndikimi që po sjell kriza Ukraine-Rusi në Ballkanin Perëndimor! 3 zhvillime interesante, dy prej të cilave kanë lidhje me Shqipërinë po marrin formë
2 Shkurt 2022, 14:58 -
Indeksi i mundësive 2022, Shqipëria ka vështirësi në tërheqjen e investitorëve të huaj! Dhoma Amerikane: Ndryshimi i taksave problemi kryesor
31 Janar 2022, 12:16
-
Paketa Fiskale/ Dhoma Amerikane e Tregtisë, e shqetësuar: Nuk ka qëndrueshmëri, duhet të ketë 1 herë në 4 vite dhe jo çdo vit! Duhet kohë për konsultim publik
11 Nëntor 2021, 09:52 -
Enio Jaço rizgjidhet President i Dhomës Amerikane: Transparencë dhe konkurrencë e lirë për bizneset
14 Tetor 2021, 21:20 -
Korrupsioni pengesa kryesore për investimet amerikane, Yuri Kim thirrje qeverisë: Jepi përparësi klimës së biznesit
13 Tetor 2021, 18:18
