POP 5

Lajmet më të lexuara të 5 minutave të fundit

Kultura

Përmes humorit, Genti Kame: As horoskopi i vitit 2020, s'e kishte parashikuar këtë që na ngjau (VIDEO)

Regjisori edhe aktori Genti Kame nga shtëpia e tij, së bashku me vajzën përmes humorit përshkruan situatën ku gjendemi, edhe bën apel që të kujdesemi për vete edhe familjarët, duke qëndruar në shtëpi.

“Të dashur miq, siç e shikoni, jemi të gjithë të mbyllur brenda. Na ka ardhur si rrufe në qiell të pastër diçka që nuk ishim aspak në dijeni, nuk kishim asnjë të dhënë, askush s’na kishte thënë gjë. Nuk na kishte ardhur ai libri i vogël me udhëzime që vjen me çdo pako, që të tregon se çfarë duhet të bësh, si duhet ta montosh diçka.

As filxhanët e kafes nuk na i kishin thënë diçka të tillë, as parashikimi i motit, madje as Horoskopi. Edhe kur nuk ta thotë horoskopi i 2020-s, se çfarë do të na ndodhte në mars-prill të këtij viti imagjinoni se çfarë gjëje e keqe është. Pra, shumë prej nesh janë ndarë totalisht nga të afërmit e tyre, nga miqtë e tyre, disa prej nesh kanë humbur punën, nuk e dinë se kur do të fillojnë, nuk e dinë se sa do të zgjas i gjitha kjo” thotë Kame, megjithatë, problemi kryesor është që ne duhet të fillojmë nga A-ja.

“Pasi të zgjidhim këtë, çdo gjëje e gjendet çelësi. Prandaj ne duhet që të ruajmë shëndetin, të tjerat pak nga pak. Sa më shpejt të mbarojë kjo fazë ne do të zgjidhim problemet e tjera. Edhe duhet që të bazohemi diku, në mençurinë e popullit tonë, në shprehjet dhe fjalë e tij të urta, që ne sot na thonë se çfarë duhet të bëjmë për shembull, Guri i rëndë në shtëpi të vet ose Punën e sotme mos e lerë për nesër, shtyje një muaj se s’të gjen gjë. Ose larg syve afër zemrës. Ose kush nuk punon botën e shpëton. E gjitha do të kalojë, por kryesorja është që ne duhet të jemi optimistë, ta marrim me sportivitet edhe të kemi pak durim. Mik, mikeshë e dashur rri në shtëpi, mos tako njeri. Bëje për mua, bëje për vete”, përfundon artisti.


Lajmi kryesor:

'Qëndrimi në shtëpi na ka mësuar se amvisat janë heroina', mesazhe optimizimi nga artistë, sportistë e mësues! (VIDEO)
/G.M./Shqiptarja.com
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça